للشعر الملمع نكهة (2)

قد أتى العيد الينا *** بين الوانه وفنونه

وأرى طفلي حزينا *** كل وكت ساهره عيونه

بين حجر كان قسرا *** وعرف الما يعرفونه

آه من سقم غزانا *** وآخ من هاي الكرونه

جماله يحلو لنا *** متمعني بي رب الكون

قامته ممشوقة *** منين اجه حسنه شلون

فشعره ذا أشقر *** أحمر حلو وزغيرون

اسمع اليك حالتي *** كلبي بهواك اتعذب

القلب يبقى ساهرا *** والشعر لجلك شيب

والعين يغرقها البكا *** للدار لمن اكرب

الى من هدد الروح بقتل *** كلبي اخذه الك لا تشهر سلاح

تمهل انني أرقى بحب *** لتصيب الكلب وتوسع جراح

فرفقا اترك القلب بأمن *** وخلي عظامي بامدلول اصحاح

أقبل فقد طال الجفا *** يا ولفي عجل بالمسير

اترك مكانك مسرعا *** وخل الي كلبك يطير

وغدا ألقاك قربي *** والفرح عدنه يصير

منك أتتني رسالة *** شميت بيها ريحتج

أقرؤها وقت الضحى *** وبالليل أقره واذكرج

كأنك قربي وذا *** كلبي انطبع بمحبتج

تعالي فالصدود له أذاه *** كثير انه سهرت ياصاح ليلي

تعالي وانظري فعل الليالي *** دمرت حالتي وهدمت حيلي

يراني النجم أسهر كل يوم *** تشهد زهرتي ويشهد سهيلي

مرّ والعينان منه تدمعُ *** حن عليه وبجه ومن عندي اعتذر

ثم حيّاني وأضفى بسمة *** وكال يا محبوب يكفيك الفخر

أنت من ينصحني ثم بكى *** ليلو من نرجس دمع عينه انتثر

ألف باب وألف باب رجاء *** انفتحت النه وظلمه عيشتنه بكت

كل ليلي وكل ساعات يومي *** روحي ما شافت فرح بي والتكت

ألف باب وألف باب رجاء *** انفتحت النه وظلمه عيشتنه بكت

كل ليلي وكل ساعات يومي *** روحي ما شافت فرح بي والتكت