دارميات عراقية 4

لا تحزن من الخان لو بعد عنك
شتترجة منه يصير مقهور چنك

شتترجه منه يصير خليها سكته
خان الملح والزاد وكلشي العملته

الخان الملح والزاد شتريد منه
يسوي كلشي يريد ولا هو چنه

يسوي كلشي يريد وينكث بالوعود
ما ظل دمع بالعين بس الله موجود

ما ظل دمع بالعين والگــلب مالوم
ولا ظل نفس بالروح والهوا مسموم

ما أدري شنهو الصار وابتعد عنّي

من بعده بس هموم وآلام اجنّي

لا ظل نفس بالروح بس الأذية
الدنيا عوجه هواي لو هيج هيه

الدنيا عوجه هواي دارت عليه
اصفن بوجه الناس وأصفك بيديه

اقتباس: المشاركة الأصلية كتبت بواسطة عواطف عبداللطيف     الدنيا عوجه هواي دارت عليه اصفن بوجه الناس وأصفك بيديه

أصفن بوجه الناس والقلب حاير

والهم أشوفه يلوح والحزن داير

الهم اشوفة يلوح وآنه بمكاني
من دون كل الناس فز وإجاني