بدون إزعاج ــ قصيدة بالعامية المصرية

لا انا عايز
تمد ايديك وتديني
ولا عايزك تكون جنبي
دا قربك شيء مالوش لازمه
كما ريح الشتا قاسيه
كما أمشير وزعبوبته
بتخدعني بزيف قربك
وترميني بسهام غدرك
فإيه لازمة عسل حبك
وفيه السم
وإيه لازمة كلام طيب
وفيه الكدب
بلاش منك
ولو وياك كنوز الكون
وملك آرون
دي همسة حب مرويه
بلذة آه
ولهفة قلب وقت البعد
ودمع برئ
بيعلن عن صفاء النفس
تشوف كل الوجود
جنه
وحدوته تعيش فيها
ف تبات ونبات
بدون إزعاج
........
....

..

محكية رائعة بلهجة أروع استمتعت بقراءتها
كلّ البيلسان

مرت بلا ازعاج بالتأكيد

شكرًا لطرحك الجميل

فعلا بلا ازعاج

محبتي

جميلة فعلاً الحب والكذب لا يجتمعان

أهلاً بك على ضفاف النبع من جديد
رمضان مبارك
تحياتي