هل سأعود ياوطني؟؟؟

يمته أعودن يا وطن وأحضن
ترابك
يا وطن يمته أعود
يمته أجيك بشوكَ لهفان وغريب
وأدكَ بابك
والله مشتاكَ انا أشمن عطر أهلنا
آه يا عطر الأهل عطر الورود
يمته أعودن حتى أغفى بحضن أمي
وأرد أطش بوساتي كلها
نص أطشها أعلى الظفاير
ونص أطشها أعلى الخدود
وأرد اشوف الجنه تحت أقدامها
وأسجد على أتراب المشت فوكَه
وأطيل ألها السجود
يمته أعودن يا وطن
حتى أشوفن خالتي وعمتي أولدهن
علي وعثمان وعمر
تدري ماكو نجوم بالغربه بسمانا
وماكو وياهن كَمر
وبسماك نجوم أريد أسهر وأعدهن
أشحلاته العمر بيك
أوي النجوم أكَضيه سهر

سيدتي كنت دائما ً أراك في أحضان الوطن
وستعودين الى الوطن أنشاء الله لتري من جديد
الكرخ والرصافة والعشار وأهوار العمارة وكل الأحبة
تحياتي وتقديري