دارميات عراقية 4

من تهجر اليهواك متخاف الله

باجر يصير حساب شتكله بله

بالورد والافراح مصباحك يكون

والله علي فركاك ياغالي متهون

شلون الج مصباح كل السعد بيه
حتى الرزق لو طار يتلجلج عليه

ماعندي كل هموم بس انت همي

من هاجرت لليوم الحزن يمي

هم شفت عمرك يوم بالكلب شيبه
شاب الكلب والروح لاتظن عجيبه

اقتباس: المشاركة الأصلية كتبت بواسطة الدكتور اسعد النجار     ماعندي كل هموم بس انت همي من هاجرت لليوم الحزن يمي

من هاجرت لليوم ما غبت عني
گلبي يون عليك بس لا تردني

اقتباس: المشاركة الأصلية كتبت بواسطة علي عبدالحسن     هم شفت عمرك يوم بالكلب شيبه شاب الكلب والروح لاتظن عجيبه

شاب الگلب والروح من رحت عني
أسأل عليك الناس والوجع هدني

اقتباس: المشاركة الأصلية كتبت بواسطة حيال محمد الأسدي     شلون الج مصباح كل السعد بيه حتى الرزق لو طار يتلجلج عليه

حتى الرزق لو طار گول الله وياي
ما إلنه غيره اليوم بس ننطر الجاي

صبحكم الله بخير ياأغله الاحباب

بالورد والأفراح ندكلكم الباب

ماشفت من فركاك فد يوم راحه

اكضي النهار وليل بس بالمناحه