مكتبة شعراء العراق

شهرزاد

لميعة عباس عمارة

ستبقـى ، ستبقـى شفاهـي ظمِـاءْ
و يبقـى بعينـيَّ هــذا النــداءْ
ولـن يبـرح الصدرَ هـذا الحنيـن
ولـن يُخرسَ اليـأسُ كـل الرجـاء
* * *
سيبقـى لكفِّـيَ هـذا البـــرودْ
و لـن تعـرف الـدفء حتى تعـود
عنــاق الأكف أثــار الدمــاء
و علمنـي كيف يُنْسـى الوجــود
* * *
ستبقـى دمائـي لظـىً واحتـراقْ
و تبقـى ضلوعـي منـىً و اشتيـاق
فكـل حياتـي هـوىً يـائــسُ
لقـاء قصيـر المـدى ، فافتــراق
* * *
لعينيـكَ أنـتَ يلـذّ العـــذابْ
و يستعـذب القلـب مـُرَّ الشـراب
ففيـك عرفـت الحبيـب الوديــع
و مـا كنـت أعـرف إلا ذئــاب
* * *
هـوانــا و أشواقنــا الخالــدهْ
و ثــورة أرواحنــا الحـاقــدهْ
لأعجــز مـن أن تمـدّ يـــدا
تمــزق أسطــورة بـائـــده
* * *
أسـاطيـر نمّقهـا الخـادعــونْ
وأشبـاح مـوتـى تجـوب القـرون
لتخنــق أجـمـل أحـلامنـــا
و تُبعـث فينــا ، فيـا للجنـون !!
* * *
ستمضي ، فمن لـي بـأن أمنعـكْ ؟
ستمضـي ، فهـل لـي أن أتبعـك ؟
فقلبي ، وشعري ، وعمـري سـدى
إذا لــم أُمَتَّــعْ بعيشــي معــك
* * *
سأهـواك حتـى تجـف الدمـوعْ
بعينـي ، و تنهـار هـذي الضلـوع
مـلأتَ حياتـي ، فحيـث التفـتُّ
أريــج بذكـراك منهـا يضــوع
* * *
سيبقـى هـواي لظـىً مضرمــا
و لـن أعـرف اليأس لـن أسأمــا
سيبقـى انتظـاري يذيـب السنيـن
و أعلــمُ أنــك لــن تقـدمــا
* * *
وفـي ليلـة مـن ليالـي الشتــاءْ
و قـد لَفِّنـي وفتاتــي غطـــاء
سـأرنـو إلـى البـاب مرتاعــةً
وأتلـو عليهـا ( نشيـد اللقـــاء )
* * *
سأغمـر بـالذكريـات البِعـــادْ
مُنـىً في النهـار ، رؤىً في الرقـاد
و يبقـى حديـث الهـوى قصــة
أبـت أن تُتَمّمَهـــا شهـــرزاد

أنا كل النساء

لميعة عباس عمارة

لا تقلها إن لجلجت فى حناياك
و دعنى أشتفها من عيونك
و ارتعاشات هدبك الخجل الخفق
و هذى الغصون فوق جبينك
خل هذا الغموض و حيا تقيا
لصلاة ما هومت فى ييقينك
و إذا الآدمى فيك تنزى
و تمطى العناق بين جفونك
فاحتضن أيهن شئت ، تجدنى
أنا كل النساء طوع يمينك
لا تقرب أنفاسك النار من وجهى
و أذنى ، و شعرى المتهافت
إن فى همسك العاصير و الزلزال
يجناح عالمى ، و هو خافت
لا تقللها ، و خلنى أحزر اللؤلؤ
فى بحرى العميق الصانت
أنت لو قلتها ، تموت الأغانى
فى ضلوعى ، و تستقر المعانى
لا سعير الحرمان يلذع روحى
لا خيالى يهيم سمح العنان . .

سفر أيوب

بدر شاكر السياب

البرد و هسهسة النار
و رماد المدفأة الرّمل
تطويه قوافل أفكاري
أنا وحدي يأكلني الليل
و يخب المركب إلى داري
برق يتلامح في الآفاق يعرّيها
و يذرّيها
كرماد المبخرة الثكلى
في مقبرة تهب الليلا
ألوان الموت و آهات الموتى فيها
يا ليل لكم طال الدّرب
تعب الركب
و عراقي شط و سمّاري
ناموا و بقيت و لا زاد
عندي و ظمئت و لا ماء ظمى القلب
لا سقيا غير شظيات البرق الواري
يا أغصان الليل انهمري ثمرا إذ يؤكل يزداد
السلة منه سأملأها حتى إن عدت إلى داري
فرح الأطفال به هتفوا بابا
يا برق أما تخبو
فيغيب الدرب و لا يبدو
كم منه على الساري بعد
البرد وهسهسة النار
و رماد المدفأة الرمل
تطويه قوافل أفكاري
أنا وحدي يأكلني الليل
لندن 1 - 1 - 1963

لماذا تركت اوجاعي يتيمة ؟



ابراهيم البهرزي





خيارات متنوعة
ما أردت الدواء
ولا الضماد ...
أردت تلك النظرة التي لا تقول شيئا !!
أحب ان اسلي مرضي
بالكلمة الغامضة ....

ما قلت شيئا لأحد
كان ينبغي أن تقال لي كلمة
لأجل إطعام المساكين
حتى وان كانت :
لا ..

قولي كل (نعم ) متاحة للمتفرجين ...

أنا خلف الكواليس
بعد أن يصفق المعجبون
أبوسك بغضب
واختلق نهايات مختلفة
لكل الليالي....
باردا
احطب أشجار الحكايات القديمة
شجرة أخرى من مشاكسات الطفولة
تحترق
وفي لهبها الهارب الحزين
تطير الدمى
رمادا
يودعني بالعتاب ....

كم سأندم دامعا
كي أرمم الرماد
حجرا اثريا
نتعلم زيارته
حجيجا ؟؟!!

قد نذهب فرادى
إلى فراديس ذكرياتنا ..
...وان ذهبت فريدا أيها المستذكر
فما الأقرب للذكرى :.
W.c???
Or
see
doubll
wooooo
men?!!

يعتمد الحس
على الصوت ..
وقس:
في الاغلب
يعتمد الموت
على الصوت
!!!!

فلماذا في غيبوبة هذي الأصوات
تركتيني
وحدي ؟؟
وقع الاموات جميعا
في وجدي !!
ورحلت
الأخرس
لا اسمع
غير صدى قلبي....
تبقين _واشفع لك _ طول ثوابي ..
ذنبي !!!

ربي انا ما علمني ربي...

قيّم الرگاع من ديرة عفچ




الشاعر الشعبي الشهير
المُلا عبود الكرخي


قيم الرگاع من هاي اللحه
اتشوفه هيبه وعنده لحيه امسرحه
يشتم ابلا خجل وبلا مستحه
من ايحس المقعد اشويه اندحچ
قيم الرگاع من ديرة عفچ

برلمان اهل المحابس والمدس
عگب ماچانوا يدورون الفلس
هسه هم يرتشي وهم يختلس
ولو نقص من راتبه سنت انعقچ
قيم الرگاع من ديرة عفچ

اتشوف واحدهم امعگل بالوقار
وبالاصل تاريخه اسود كله عار
ابضرف ثلث اسنين مليونير صار
ايريد عالوادم ايعبرله چلچ
قيم الرگاع من ديرة عفچ

گمت ما اعرف حماها امن الرجل
ياهو التكضه اهو ايمثل العدل
وگمنه نستورد الشلغم والفجل
لان كلها ضلت اتدور ودچ
قيم الرگاع من ديرة عفچ

والله ضيعنه الصدگ من الچذب
اتشوفه هيبه وحچيه المصفط عذب
ياخذك وايردك ابشرق وغرب
وبسچاچينه يدچك
حيل دچ
قيم الرگاع من د يرة عفچ

حيل دوخني الحچي الماله ربط
وصار عندي سكر وحصبه وضغط
نفترش عاگول ونتغطه ابحسچ
قيم الرگاع من ديرة عفچ

گمت ما اميز الذيب امن الحمل
امنين ما التفت گلبي يشتعل
انه ما شايف شعب يتبع خبل
شاب راسي وتيهت كل السچچ
قيم الرگاع من ديرة عفچ

يا حكومتنه الرشيده ام الوقار
الفساد المالي عنوان الچ صار
ندري جابوكم ابدبابه وقطار
ليش ضليتوا سمچ ياكل سمچ
قيم الرگاع من ديرة عفچ

لازم انميز الزين امن الزلم
وننتخب كلمن شهم صاحب علم
ونرفض اللي يجي كل يوم ابفلم
من ايشوف المنصب اشويه
اندرچ
قيم الرگاع من ديرة عفچ

بغداد مبنية بتمر فلش وكل خستاوي !!

الملا عبود الكرخي







بغداد مبنية بتمر ما ينكضي هذا العمر
يهواي دبرلي الامر التين اصبح لاوي



بغداد مبنية بلقم وترابها (سسي وبطم)
للطم على راسي لطم وانحر على المناوي



بغداد مبنية بزبد خلاني اتمرمر واكد
اني صرت مثل العبد والسيد (كريزاوي)



بغداد مبنية بخرك وانهارها تجري عرك
من هالامر كلبي احترك صار الشغل بداوي



فلش واكل تين ورطب واخلط التفاح وعنب
يا هل خلك كلبي انعطب بالنار من (عتاوي)



فلش وكل مركة هوه ومن التمر سهمي النوه
جلدي على عظمي التوه من طب (ابو نجاوي)



بغداد مرشوشة بعسل واحجارها ثوم وبصل
والماي في دجلة وصل (هذا الكيش حلاوي)



اني صرت شايل حمل ومن اللبس حظي سمل
والتمر بالبصرة زبل لا سيما الخضراوي



(برحي والبريم ودكل) ما ينفعك شغل النخل
بابوجي من جلد الصخل والاجنبي فرنساوي



(بربن وزهدي واشرسي) طعمه ابد ما ينسي
الفلاح ابد ما ينكسي من (الحشف والحلاوي)



الاجنبي نهبني نهب وماطلني بالزور وكذب
فرهد الحنطة والشلب والتمن الخضراوي



فرهدلي صوفي والدهن وسهمي من الزرع التبن
خاف احجي ويضمني السجن اومي ومي صنطاوي



فلش وكل خستاوي
** **

المجرشة

أشهر قصائد الملا عبود الكرخي


مقاطع مختارة من (المجرشة)




ذَبيت روحي عالجرش وأدري الجرش ياذيها

ساعة وأكسر المجرشة وألـعن أبو راعـيها.

(1)

ساعة واكسر المجرشة وألـعن أبـو السـواها

إشـجم سـفينة بالبحر يمشي ابعكسها اهـواها

إيصـير أظلّن ياخلكك متـجابلة آنـه ويـاها

كـلما يكـيّرها النـذل آنـي بحيـلي ابريـها

(4)

ساعة واكسر المجرشة واكصد أبو الحملة علي

واطلب مرادي وانتحب بلجي هـمومي تـنجلي

نار البـكلبي اسـعرت يهل المروّة وتـصطلي

ما شفـت واحد ينتخي من اهل الرحم يـطفيها.

(8)

ساعة واكسر المجرشة وألعن أبو اليـجرش بعد

حظي يهل ودّي نـزل والجايـفه حظها صـعد

سلّمت أمري واسكتـت للي وعدني ابهالـوعـد

نصبر على الدنيه غصب لـلـّحـد وانـباريـها.

(16)

ساعة واكسر المجرشه واشغر أنا لسابع سـمه

وادعي على الجان السبب أمـي وأبـوي بالعـمه

أم كَشره وام بـوز الجلب جي يرضه ربي امنعمّه

كـعـدّها بأعلى مرتـبه وجوخ وزري يجـسيها.

(18)

ساعة واكسر المجرشه وألعن أبو راعي الجرش

كعـدت ياداده أم البخت خلخالها يدوي ويـدش

وآني استادي لو زعل يمعش شعر راسي معش

هم هاي دنيا وتـنكضي وحسـاب أكـو تـاليها.

(32)

ساعة واكسر المجرشه والبس لباس التـنـتنه

جي فوكك درد الله، النذل استادي ضربني بميجنه

بالهيمه عطشان الأسـد والهوش معتـاش ابهنه

هـل مال أبـو هـدلان للدجـله شرب صافيها.

(37)

ساعة واكسر المجرشه وانحر على النمسا ومجر

هـناك أنـكر تـبّع وقحطان والطائي ومضر

ترضه يالمسيّر سـفينة نـوح يـا رب البـشـر

عبّـيات ابو ها اكحيله واحضان الجرد يـشـبيها.

(42)

ساعة واكسر المجرشه واقسـم أنا بـرب الفـلق

ويللي ابطن الحوت ابن متي النـبي يونـس نطق

كلّه كتبته بالورق عندي فقط إلا الزلق

ما قيدتها بدفتري اوغيري فلا قاريها.

(57)

ساعة واكسر المجرشة واكطع من الدنيا الأمل

للجرش ما أرجـع بعد إلا بابره يخـش جمل

كل يوم ناصبلي عزه اسـتادي النغل ما الثوَل

عقلي انذهل جسمي نحل روحي السـكم لافـيها.

(58)

ساعة واكسر المجرشة واصعد برجلي للفلك

واوصل السـابع سما وبيـدي ألزمه للملَك

من يوم أمص جمعي، الدهر لاحكك على عمري وكللك

يعبّر عليّ. كل وكت للملعنه يـجزيـها.

(60)

ساعة واكسر المجرشـه وانحر على أهل الصيره

وانشد على شيوخ العرب أهـل الشـيم والغـيره

يـرضى إلهي بالرفـاه العـبده أم خـنـفيره

تخدمها حُرّه وكل وكت كاس الصبر تـسكيها.

(62)

ساعة واكسر المجرشة وألـعن أبو الكـيّرها

واحـركك أبو كل من ابمنشاره وفاسه انجرها

بعناد هالظالم اسـتا دي رويحتي مرمرها

للكفر يا أهل الرحم إبن الزنـه يقرّيـها.

(63)

ساعة واكسر المجرشه وألعن أبو اليكطع مَهر

طفله على شايب هرم يفطن على حفر البحر

وصله سختيانه الوجه واللحية تـشبه للأبـر

الله ما يقبل هالبـشع لرويـحتي سـابـيها

كاسرت عمري

الشاعر الشعبي المشهور عريان السيد خلف

كاسرت عمري اعله عمرك
كطعت ليش . . وحِـركتك
جويه مني وجويه منّك
ونتشيت . . استاهلك . . شهكة عوافي
وخيّبت ظني . . وصدك ويّاي ظنك
ماكلت عنك . . عرك جفّك ابجفّي
ولا كلت جاسك زعل . .
واشتعل دمي ابنار دمّك
أصعر . . وتستسهل . . اتشاغل خيالي
وياخذك غيّك . . خرز خلخال . . تِـطّــشّـر وألمّك
ومدري ليش . . أتمايزك وردة اكرنفل
اِتّيه روحي ابريحتك . .
واحتار من ياصفحه اشمّك
أختلي ابحسنك . . وافج كلبي واطلعك
تلعب ابعمري . . وخاف الغير يندلّـك وأضمّك
خاف تاخذني . . اعله بستانك فرحِتي . .
وخاف تكبر حيرتي . .
وحسنك يغرّك
خاف تِطشّر ولك . . وشلون المّك ! ؟
كالو : ايحبك ! !
كلت من شاف كلبه ؟
وجبّست دمعي . .
وسكن نبض الكلب . .
عن لا يذمّك
تِرسْ جفّي . . اسوالفك وحده اعله وحده
وعرك جيدك زمزمي . .
وخجلان تتعذّر !
واكلّك : لايهمّك
من تجِسني اشفايفك
تاخذني غيبه !
ومن تِرِشْني ابمزنِتَك . . ولهان افز . .
لن روحي يمّك ؟
اختلي ابحسنك . . وأفج كلبي واطلعك
تلعب ابعمري . . وخاف الغير يندلّك وأضمّك
وخاف تطّشّر خرز . .
وشلون المّك ؟
اشجان ضرّك . .
تختصر بعدك عليه ؟
وكلّي شكرات وحمد
للمختصر . . حسنك ابخصرك
تشرب معافي . . حناني ولهفتي
وتسكر ابدمي . .
وتنتشي ابغيّ الشذى . .
وتتعزّل اعزال من اجرّك
من جمعني وياك ؟
من شدني . . ويه طولك . .
طعّمك بيّه
وصرت حلوك ومرّك
لنها ما بالغبشه . . غبشه . . ابغير عينك
خاف اترزبيك .. حد كطع النفس
وازهك واضرك !
خاف تطشر خرز ..
وشلون المك ؟
ومن كبل .. كل شوكه عمري من الطوارف
حسبت مثل الوداد .. الفات ودك
من كبل .. وآنه الورع كحل اجفوني
وجنت اظن :
وكت التهد بيه روحي اهدك ..
لني كلما فززن صبري الليالي ..
وخان وكتي
اتوسلك .. هدوة كت خليني عندك
اوعاذرك .. لو هدل عودك ..
من كدر يحمل حسن مثلك وكدك ؟
غاذرك تغلط ابحكي ..
وتبخل ابظلك على النايم ابسدك
عاذرك تغتاض ..
بس من غير شاره ..
وشارتك هالبينت
ودخيل جدك
عاذرك .. عن لايهم كلبك ابهمي
وتنترس عينك دمع
وتنترس عينك دمع
__________________

اخذني وياك

جملني بعد كطره 00 وخذني وياك


هناك 00 الفيض كلبك 00


حتى روحي تنام


عصفورة جرف 00 بلل جنحها الكيض


اخذني وياك


امشي ابغير واهس 00


والطواري كصار


وعيوني غرب 00 وجفوف اديه اوداع


واسمي 00 ابغير معنى 00


وميل كحلك غاب


وتنشدني اعله كلبي !


كلبي حب وذاب


ياكلبي حلك تنور 00 لو سرداب ؟


صوغني 00 ولو من ليلكم نجمه 00


تبات وياي


ومن تشبع سهر 00


ويجيسها الوهواس


اطفيها ابصبح 00


والغبشه رشكه ماي


واشعلني ولع 00


يدوي العطش بالعود


حتى انزع جلد روحي 00


وارد لصباي


أملني الفرح بسمك 00 ورد عالباب


فاحت ريحته 00 ولنك بعد ماجاي


بعد ماجاي !!


من ياصوت أصيحك ؟


والصدى ايجاريك


واكلك : مكدرت 00 يالتكدر ابلياي

مدينة السندباد

بدر شاكر السياب


جوعان في القبر بلا غذاء
عريان في الثلج بلا رداء
صرخت في الشتاء
أقضّ يا مطر
مضاجع العظام و الثلوج و الهباء
مضاجع الحجر
و أنبت البذور و لتفتح الزّهر
و أحرق البيادر العقيم بالبروق
و فجّر العروق
و أثقل الشجر
و جئت يا مطر
تفجّرت تنثك السماء و الغيوم
و شقّق الصخر
و فاض من هباك الفرات و اعتكر
و هبّت القبور هزّ موتها و قام
و صاحت العظام
تبارك الأله واهب الدّم المطر
فآه يا مطر
نودّ لو ننام من جديد
نودّ لو نموت من جديد
فنومنا براعم انتباه
و موتنا يخبّيء الحياه
نود لو أعادنا الإله
إلى ضمير غيبة الملبّد العميق
نود لو سعى بنا الطريق
إلى الوراء حيث بدؤه البعيد
من أيقظ العازر من رقاده الطويل
ليعرف الصباح و الأصيل
و الصيف و الشتاء
لكي يجوع أو يحسّ جمرة الصدى
و يحذر الردى
و يحسب الدقائق الثّقال و السّراع
و يمدح الرعاع
و يسفك الدماء
من الذي أعادنا أعاد ما نخاف
من الإله في ربوعنا
تعيش ناره على شموعنا
يعيش حقده على دموعنا
-2-
أهذا أدونيس هذا الحواء
و هذا الشحوب و هذا الجفاف
أهذا أودنيس أين الضياء
و أين القطاف
مناجل لا تحصد
أزاهر لا تعقد
مزارع سوداء من غير ماء
أهذا انتظار السنين الطويله
أهذا صراخ الرجوله
أهذا أنين النساء
أودنيس يا لاندحار البطوله
لقد حطم الموت فيك الرجاء
و أقبلت بالنظرة الزائغة
و بالقبضة الفارغة
بقبضة تهدّد
و منجل لا يحصد
سوى العظام و الدم
اليوم و الغد
متى سيولد
متى سنولد
-3-
الموت في الشوارع
و العقم في المزارع
و كلذ ما نحبّه يموت
الماء قيّدوه في البيوت
و ألهث الجداول الجفاف
هم التتار أقبلوا ففي المدى رعاف
و شمسنا دم و زادنا دم على الصّحاف
محمد اليتيم أحرقوه فالمساء
يضيء من حريقه و فارت الدماء
من قدميه من يديه من عيونه
و أحرق الإله في جفونه
محمّد النبيّ في حراء قيّدوه
فسمّر النهار حيث سمّروه
غدا سيصلب المسيح في العراق
ستأكل الكلاب من دم البراق
-4-
يا أيها الربيع
يا أيها الربيع ما الذي دهاك
جئت بلا مطر
جئت بلا زهر
جئت بلا ثمر
و كان منتهاك مثل مبتداك
يلفه النجيع
و أقبل الصيف علينا أسود الغيوم
نهاره هموم
و ليله نسهر فيه نحسب النجوم
حتى إذا السنابل
نضحن للحصاد
و غنت المناجل
و غطت البيادر الوهاد
خيّل للجياع أنّ ربّه الزّهر
عشتار قد أعادت الأسير للبشر
و كللت جبينه الغضير بالثمر
خيّل للجياع أنّ كاهل المسيح
أزاح عن مدفنه الحجر
فسار يبعث الحياة في الضّريح
و يبريء الأبرص أو يجدّد البصر
من الذي أطلق من عقالها الذئاب
من الذي سقى من السّراب
و خبأ الوباء في المطر
الموت في البيوت يولد
يولد قابيل لكي ينتزع الحياة
من رحم الأرض و من منابع المياه
فيظلم الغد
و تجهض النساء في المجازر
و يرقص اللهيب في البيادر
و يهلك المسيح قبل العازر
دعوه يرقد
دعوه فالمسيح ما دعاه
ما تبتغون لحمه المقدّد
يباع في مدينة الخطاه
مدينة الحبال و الدماء و الخمور
مدينة الرصاص و الصخور
أمس أزيح من مداها فارس النّحاس
أمس أزيح فارس الحجر
فران في سمائها النعاس
و رنق الضجر
و جال في الدروب فارس من البشر
يقتل النساء
و يصبغ المهود بالدماء
و يلعن القضاء و القدر
-5-
كأن بابل اغلقديمة المسوّرة
تعود من جديد
قبابها الطوال من حديد
يدق فيها جرس كأنّ مقبره
تئن فيه و السماء ساح مجزره
جنانها المعلقات زرعها الرؤوس
تجرها قواطع الفؤوس
و تنقر الغربان من عيونها
و تغرب الشموس
وراء شعرها الخصيب في غصونها
أهذه مدينتي ؟ أهذه الطلول
خطّ عليها عاشت الحياة
من دم قتلاها فلا إله
فيها و لا ماء و لا حقول
أهذه مدينتي ؟ خناجر التتر
تغمد فوق بابها و تلهث الفلاه
حول دروبها و لا تزورها القمر
أهذه مدينتي أهذه الحفر
و هذه العظام
يطلّ من بيوتها الظلام
و تصبغ الدماء بالقتام
لكي تضيع لا يراها قاطع الأثر
أهذه مدينتي جريحة القباب
فيها يهوذا أحمر الثياب
يسلّط الكلاب
على مهود إخوتي الصغار و البيوت
تأكل من لحومهم و في القرى تموت
عشتار عطشى ليس في جبينها زهر
و في يديها سلة ثمار حجر
ترجم كل زوجة به و للنخيل
في شطّها عويل

بغداد مبنية بتمر فلش وكل خستاوي !!

الملا عبود الكرخي







بغداد مبنية بتمر ما ينكضي هذا العمر
يهواي دبرلي الامر التين اصبح لاوي



بغداد مبنية بلقم وترابها (سسي وبطم)
للطم على راسي لطم وانحر على المناوي



بغداد مبنية بزبد خلاني اتمرمر واكد
اني صرت مثل العبد والسيد (كريزاوي)



بغداد مبنية بخرك وانهارها تجري عرك
من هالامر كلبي احترك صار الشغل بداوي



فلش واكل تين ورطب واخلط التفاح وعنب
يا هل خلك كلبي انعطب بالنار من (عتاوي)



فلش وكل مركة هوه ومن التمر سهمي النوه
جلدي على عظمي التوه من طب (ابو نجاوي)



بغداد مرشوشة بعسل واحجارها ثوم وبصل
والماي في دجلة وصل (هذا الكيش حلاوي)



اني صرت شايل حمل ومن اللبس حظي سمل
والتمر بالبصرة زبل لا سيما الخضراوي



(برحي والبريم ودكل) ما ينفعك شغل النخل
بابوجي من جلد الصخل والاجنبي فرنساوي



(بربن وزهدي واشرسي) طعمه ابد ما ينسي
الفلاح ابد ما ينكسي من (الحشف والحلاوي)



الاجنبي نهبني نهب وماطلني بالزور وكذب
فرهد الحنطة والشلب والتمن الخضراوي



فرهدلي صوفي والدهن وسهمي من الزرع التبن
خاف احجي ويضمني السجن اومي ومي صنطاوي



فلش وكل خستاوي
** **