حَط روحي براحاي ومكطوعه راحاي محد حضره الروح من صاحت احاي
حَط روحي براحاي والگلب مذبوح محد حضره الروح من رادت تروح
توسع وكول تهون ويخف وجعهــا من زغري علتي وياي أسود طبعهـا
من زغري علتي وياي مدري شكلك شما عذبت بالروح هم ما أملَّك
من زغري شفت الويل ماشفت راحه بس سكم بس شوغات كلها مناحه
علتي وربت وياي .......... واعرف طبعها ما يصفن من يهيض ........... عاصف وجعها
علتي وربت وياي كل جاره مالي ذبني الوكت بالآه وانصدع حالي
علتي وربت وياي اشلون أفَّهمك گلبي وأدور عليه وإلگيته يمك
علتي وربت وياي وانته سببها نار سعرت بالروح وهجرك لهبها
لا تعتب اعله الروح عايش بلا روح من يومك لهليوم طير انه مذبـــــوح