الف دارمي ودارمي بقلم عامر الحسيني

	374 اتنفسك ولهان ...من تبعد اشلون هايم وافكر بيك ياحلو العيون

	375 هايم وافكر بيك ..ليلي ونهاري كل نبضه مني اهواك موش اختياري

	376 باخر نفس وارجاك يلرخصتني ناطر تجيني بطيف بيه اشبكتني

	377 ناطر تجيني بطيف واشتمك اردود خلصته عمري وياك.. اتنطرك عود

	378 من كل كتر مجروح كَلبي اليحبك ما ينشره وينباع ......خي عونه ربك في ردي على شاعر قال هذا الكلب للبيع من يشتري اكلوب.. من كل كتر مجروح ويكلي ماتوب..

	379 بسك دليلي ارتاح ..كافي الجرالك رادو هجر وافراكَـ ...محد صفالك في ردي على الشاعر ة رسل عبد الغني حين قالت ياقلب لاتحزنْ على مــاجـــرالك .. خلّك علي ماقيلْ ماهــزّك الريحْ يا مرحبا باللي نوى في وصالك ..واهلا هلا باللي نوى زود تجريح

	380 شوف الوكت من دار ..بجاها عشتار خله الحزن تموز .....لايذ بالاكتار ... اسطورة عراقية عشتار الهة الحب والجمال لدى العراقيين القدامى تموز اله الرعي لديهم

	381 كَلبي يحبك غيم ......يمطر عتابه كل كَطرة فاضت شوكَـ ونة ربابه

	382 صدكَي أحبج حيل ....موبيدي حبج هذا القدر مكتوب ..ابجي أعله دربج

	383 ليل وسهر واشواكَـ ..وحدي اغني ياليله تالي اشلون ...مشتاكَه وني