يالهواك الكَاعد بكَلبي ولا لحظه غفه يمته ترجع واملي برد الروح من وصلك دفه ويالضواك الجان منه الليل تارس صفحته ومن رحت تاهت سمانه والكَمر نوره انطفه ويا كبر كَلبك الما لاكَت العمرك طيبته يحوي كل الناس ويوزع محنّه وما جفه الفرح ويه النوارس هاجر وما ظن يعود والجرح سدّيت بابه وفاض بالدم وانجفه يالعزيز شلون ما شوفك بعد مو سهله هاي وتعرف من اشتاكَلك شيصير حق المعرفه رحت عني ابساع مدري شلون غطّاك التراب وغير دمع العين والحيطان عندي ما صفه صوابك البرّاس صوبني وبعد ما ظني اطيب انشلّت ايده الضاربك يا بعد راسي من الكَفه
يالعزيز
العرض الشجري