عيبتك حلو الطول غيرت أحوالي كلسا تشب النار وتحرك ذيالي
تحرق أذيالي لي يابعد أخيك وتدريني كلش زين مقدر أملك
سطور
تدريني كلش زين يابعد روحي ليلي تره بعداك أكضيه بنوحي
يا كصره هاذ اللــــــيل من اكعد اوياك وشطوله ليلي ايصير لو مرعلى جفاك
ما شلت عيني عليك من مستحى الـذات خـافن تظن ناسيك لا بويه هيهـات
خافن تظن ناسيك وتشمت عداي إنت إلي دنياي وإنت إلي الماي
اشطوله ليلي ايصير لو غبت عني وتهل دموع العين ويزيد وني
انت الي دنياي ماعندي غيرك ا بكلبي احطك دوم وكلساعه اديرك
ليش انت كَاطع حيل وبشوكَي عالم مــــو دمّرتـنـــــي غـيـاب بسّــــك يــظالم
شما شـــده تكطع ليش حبل الموده كلشي بعشرتك ليش صايرلي شده