ارسلت ويه الشوك باكات الورود وانطيك لو موجود بوسه من الخدود
البوسه يبراهيم للأم تره نور مثل الكمر ياصاح اتلالي وتنور
بروحي تشب النار بدمي تجري مدفونه بيك سنين ما جنت ادري
مدفونه بيك اسنين روحي يغالي ردتك تجي وتشوف اشجره بحالي
من كثر ما أشتاق يعجز كلامي عـن وصف ما عانيت بــغيابـك آنـي
بغيابك آنه الليل الليل أسهر وباري للدرب بلكي تعود والدمع جاري
تنشد علي يسعـود **** ما تدري بالحــال دلالي راح ويــاه **** خلانــي وشــال
أدري يخي بالحال واعرف ظروفك اتمنه يبراهيم بلخير اشوفك
تـدري آنـه بـالدلال بــيتك بــنيته دفّيته بالإحساس، بالحب سبيته
تدري انته بالدلال مقعد حجزته وحبك يبعد الروح بكلبي حملته