دموع وكحل / الى الأستاذة أمل الحدّاد

دموع وكحل
الى /أمل الحدّاد وألى كل النساء العراقيات
اللواتي ابكيناهن كثيرا"من أجل الوطن

كافي مليتن بجي
وأشكد كحل نكط على الدم
كافي لو ينفع ندم
بكد ما نزل منجن دمع
والله أنتدم
أشكثر هذا الوطن حملجن أهموم
أسنين هم أيجيبجن
ويرد يرجعجن ألف هم
آه ... يا طول الليالي البلشتا مرت
عليجن
وحشه مرت ...
وحشة المصدور بفراشه أيتألم
أشكثر لأجل الوطن درتن عالسجون
هاي فوك أجتافها (محمد ) زغير
وذيج !!! شايله الزنبيل بأيد
وأيد الأخرى أتشيل مريم
وهاي من الخوف متغطيه بحزنها
وذيج من المستحه
كوه أبعبايتها أتلملم
أوحده من كثر الحزن تطحن (صبر )
بأثنين أديها أتكوم تلهم
أشكثر مامور السجن سب الوطن
وأنتن تسمعن
وبعالي صوته أشكد عليجن
كام شتم
والله صرتن بالصبر ألنا مدارس
دروس من عدجن لأجل هذا الوطن
جنا أنتعلم
كافي مليتن بجي !!!
وأشكد كحل نكط على الدم
كافي يمته أتحنن أبريسم شعرجن ؟
ويمته يا مشط الخشب
بخصلاته أترد أتشيم ؟
ويمته أتعطرن شيلجن بالمسج
وريح الوطن بهدومجن
لو لذتن أبسدنا مثل طير الحباري
أنكوم نشتم
ويمته المرود يكحل أعيونجن ؟
وبلايه دمعه أيلون أورود الشفايف
عود ديرم
بلايه دمعه أيلون ورود الشفايف
عود ديرم

أمنياتنا بهذه الايام المباركة
ان يبقى كحل عين العراقية لعدة ايام
القدير / حسن الشمري
يسعدني ان اكون أول المتواجدين في صفحتك الرائعة
تقديري لك َ
وتمنياتي لك بالسعادة الدائمة
وكل عام وانت بالف خير

بدعائكم ودعاء كل العراقيين الطيبين
أنشاء الله سيبقى الكحل والبسمة دائما"
على عيون العراقيات .....
يشرفني أن تكون أول المتواجدين في
صفحتي فشكرا" لتواجد الطيب
أسعد الله أيامك وأطال عمرك وكل عام وأنت
بألف خير مع أطيب تحياتي

أستاذي العزيز حسن الشمري
بحق لا أعرف كيف أشكرك
أغمرتني بفرحٍ عميق رغم دموع الاشتياق
لأحضان الوطن
شكرًا لك بحجم العراق وحب العراق وجرح العراق
ودمتَ ودام العراق في عزٍ وشموخ
مع تحياتي القلبية واحترامي الكبير لشخصك الكريم
"
أمــل الحداد

أرسملج وطن بجفوفه
حنّه
وأعطره بطيب وبريحة
أهلنه
وأصيح بصوت يا هلناس
يا هو الشاف من عدكم وطن
يشبه وطنه
أذا نام أعلى حضنه يحس
رغم الجروح البيه جنه أينام
فوك أحضان جنه
سيدتي أمل .......
يسعدني كثيرا" أن يغمرك الفرح والبهجة
وأدعو من الله أن يعود كل المغتربين الى
وطنهم العراق ليعانقوه ويغفوا بين أحضانه
تحياتي القلبية واحترامي وتمنياتي لك
بالسعادة الدائمة ولقائنا في أحضان الوطن
أنشاء الله ودمتي ودام العراق ...

كلمات من طين الوطن تحمل الأصالة
و من أحزانه تحمل الدموع
و من غده تحمل فجرا و بشرى نصر قريبة يزفها لنا رجال العراق
سلمك الله أستاذي حسن و سلم حروفك
ستتكحل العراقية و تعطر شيلتهه بالخزامى يوم النصر بإذن الله
إكراما لك و لحرفك و لمن أهديت هذه الكلمات الموشحة بالحزن تارة و بالصبر تارة

أثيتها

ثبتنا الله على حبه و حب الوطن
لك و لأستاذتي أمل تحياتي و تقديري.

و نسخة منها لنبع هدايا الكرام.

سيدتي وطن النمراوي

شكرا"لمرورك الجميل الذي يزيدني عطاء"
ولتثبيتك القصيدة ونقل نسخة منها الى
نبع الهدايا أنشاء الله سترتسم البسمة على شفاه
العراقيات وتكتحل عيونهن بلا دموع وتعلو من حناجرهن
(هلاهل ) الفرح ... تحيتي وتقديري الكبيرين


حسن هادي آل جعفر

حيا الله العراق واهل العراق

رمز الكرم والنبل والشموخ

شكرا لك استاذ حسن هادي على هذه اللوحة

التي رسمت البسمة على اخواتي العراقيات ونحن معهن ايضا

انتم في القلب وجراحكم تدميه

محبتي لكم جميعا

سيدتي شروق العوفير
شكرا"لك ولمرورك الجميل وحيا الله الأمة العربية جمعاء
أمة الكرم والنبل والشهامة ونحن جزء منها . ولا أبكى
الله جل وعلا عيون العراقيات والعربيات بنات وحبيبات وأمهات
رجال السيف والقلم والكبرياء فرسان الحرب والسلام وأبقى البسمة
مروسومة على شفاههن . وحفظ الله قلبك وقلوب كل الخيرين من هذه الأمة من الجراحات ... مع أطيب تحياتي القلبية وفائق أحترامي