غربة السندباد

غربة السندباد

سندباد مسافر
وروحي سفينه
مسافر لديرة غرب ناوي أنتغرب
أنا وكليبي وحنينه
وشايل سنين العمر فوك الجروح
يا ثكلجن يا أسنينه
مسافر وأدري التغرب
دنيه وحشه أسنين عمره
مسافر وأدري التغرب
مثل صبر أيوب صبره
مسافر وأدري التغرب
ينكسر كلبه بغربته
والكلب شيداوي كسره
سندباد مسافر وروحي
سفينه
وشلت حزني وهاجرت وي النوارس
ساحل أيذبني أعلى ساحل
مينه أيذبني أعلى مينه
طير مكسور الجناح بديره غربه
ردت أوجرلي بمدينه
وجنت أشوف المدن ماليها الحزن
ثاري بيها الناس فرحانه
وأنا عيوني الحزينه
وصحت يا غربة عيوني بلا وطن
مدري ضيعنا الوطن
مدري الوطن ضاع أمندينه
غربه كل ليله بمحطه أنا (وحمد )
ننتظر يمته يمر الريل بينه
والله ملينا الحزن
وعيونا خلصت دمع كد ما بجينه
يمته ياخذنا لوطنا ودجلته
نكحل عيون الغريبه بطينه
تدري عطشانين صار النا زمن
غير مايك دجله ما يروينه
ونبقى ما ننساه أبد هذا الوطن
حتى لو هذا الوطن ناسينه
حتى لو هذا
الوطن
ناسينه

طير مكسور الجناح بديره غربه
ردت أوجرلي بمدينه
وجنت أشوف المدن ماليها الحزن
ثاري بيها الناس فرحانه
وأنا عيوني الحزينه
وصحت يا غربة عيوني بلا وطن
مدري ضيعنا الوطن
مدري الوطن ضاع أمندينه
غربه كل ليله بمحطه أنا (وحمد )
ننتظر يمته يمر الريل بينه
والله ملينا الحزن
وعيونا خلصت دمع كد ما بجينه
يمته ياخذنا لوطنا ودجلته
نكحل عيون الغريبه بطينه

الله الله الله
سلمك الله و سلم حرفك الجميل
كلمات تكطر حزن و هم و غربة و شوك
يظل السندباد بلا شراع و لا سفينة
و يظل يتنقل من مدينة لمدينة و من مينه لمينه
و حمد خذاه الريل بعيد و فاته العمر و ظلت أمه عليه حزينة
و للأسف الوطن احنه ضيعناه أستاذي من ايدينا !!
لكنه صامد و تهون ان شالله
رغم الوجع الساكن بيهايا لجمالها و عفوية و عذوبة الحرف هنا
لك تحياتي أستاذي حسن و مثلها لهذه الحزينة

[أحمد الدراجي]

الأستاذ الشاعر حسن الشمري

معزوفة أطربت النفوس لانها عرفت لحن حزين
وهكذا هي الكلمة الموجعة يصل صداها داخل القلوب

عزيزي
اطربتني هنا
حمد والريل شايل بضلعة أماني
سولفاهن ، بين روحة وبين ذاكرة المكان
التحوي بيها أوطان مسلوبة الهوية

وماضحك سنة لمطر شايله ورده
ولا كتب اسمك على جروفه ملح
بس رسمله حدود خارطة الزمان
وظل يسولف عن عراقه

اريد اكتب شعر للي يحبونك
سالم ياعراق وسالمة عيونك
اريداكتب نثر واشبك تراب الكاع
انت الكاع كلنة نموت من دونك
نحبك يا طن ب الشلب للماي
ويموتون كل اللي يكرهونك

اقتباس: المشاركة الأصلية كتبت بواسطة وطن النمراوي     طير مكسور الجناح بديره غربه ردت أوجرلي بمدينه وجنت أشوف المدن ماليها الحزن ثاري بيها الناس فرحانه وأنا عيوني الحزينه وصحت يا غربة عيوني بلا وطن مدري ضيعنا الوطن مدري الوطن ضاع أمندينه غربه كل ليله بمحطه أنا (وحمد ) ننتظر يمته يمر الريل بينه والله ملينا الحزن وعيونا خلصت دمع كد ما بجينه يمته ياخذنا لوطنا ودجلته نكحل عيون الغريبه بطينه الله الله الله سلمك الله و سلم حرفك الجميل كلمات تكطر حزن و هم و غربة و شوك يظل السندباد بلا شراع و لا سفينة و يظل يتنقل من مدينة لمدينة و من مينه لمينه و حمد خذاه الريل بعيد و فاته العمر و ظلت أمه عليه حزينة و للأسف الوطن احنه ضيعناه أستاذي من ايدينا !! لكنه صامد و تهون ان شالله رغم الوجع الساكن بيهايا لجمالها و عفوية و عذوبة الحرف هنا لك تحياتي أستاذي حسن و مثلها لهذه الحزينة

أعيد تثبيتها ثبتنا الله و إياك على حبه و حب الوطن و الحق

الأستاذة وطن النمراوي سلمك الله الف مرة وحفظك . أسعدني مرورك على قصيدتي وأطرائك الجميل لها وأقول لك سيدتي حين قرر السندباد الرحيل لملم اشيائه وودع كل الأحبة وغادر نحو المجهول لكنه لم يودع الوطن أتدرين لماذا لأنه حمله بين أضلاعه ورحل وأنه واثق بانه سيعود اليه ذات يوم مثلما تعود الطيور الى أعشاشها كما واقول أن (حمد) لا زال كل ليلة يمرون به الأحبة بقطار الليل ويسمعون دق القهوة ويشمون رائحة الهيل .وقريبا" أنشاء الله ستقراين لي قصيدة أسمها ( حمد ) *** تحياتي

كلي خلص صبرك مثلنا يا وطن
لو ما زلت يا وطن صابر
وتذكر أشكد لأجلك حملنا يا وطن
أسياط وسجون ومنافي
ولا زال بظهورنا آثار طعنات الخناجر
وسنينا ضاعت بحبك يا وطن
ضاعت بزنزانات تشبه للكبر بس ليل
نترجى الصبح يمته يمر وتيهنا أيام العمر
يمته أمس مر بينا يمته اليوم أجى
يمته يجينا يوم باجر
وأشكد كتبنالك أغاني يا وطن
حيطان زنزاناتهم صارت دفاتر
وصرنالك شموع وسعّد حسبالنا أتخضر ورد
وأنام بحضانك أذا مر بينا فد ليله البرد
تاليها للباعوك وسفه يا وطن
مديتنا وسويتنا ألهم معابر
وأطلعنا خسرانين منك يا وطن
بس غير كاعك يا وطن
لأجسادنا صارت مقابر
تحياتي الأستاذ صلاح المعاضيدي

معذرة الاستاذ صلاح المعاضيدي كان ردي لك قصيدة لكن يظهر أن جهازي فيه عطل وظهرت القصيدة بهذا الشكلمعذرة مرة أخرى ***مع تحياتي

إشكد صحت
إشكد نحت
حتى الدمع بدل طريقة
على خدودي حفر مجرى
صرنا ما نعرف بعضنه
باعوا برخص التراب
المعالم
والمكاتب
والدواير
حتى أرضنة
والحزن هو إلبقة
يتلوى
ما بطل حتى ونينة
ويتسائل شنهو يجرى
يابعد عيني التريدك
الصبح يمتة يجينة


أعذر خربشاتي كما جاءت
حروفك تجعل نزفي جرحي لا يتوقف

دمت بخير
تحياتي

حمد تموز
بيه عشتار تتباهى
حمد كحل العراقيات
حمد صكر البيادي الما تعب جنحه
ماتت كل خفافيش الظلام
وحمد حي ما مات
حمد يستاحش بليله
أذا فد ليل ما مر القطار
بسد مضيفه وفات

صديقي العزيز الاستاذ أحمد الدراجي . مرورك ومرور كل الاحبة في نبع العواطف وملاحظاتهم
تشرفني وتزيدني عطاء". معذرة على تأخر الرد لأن جهازي عاطل ****
تحياتي