غزل خاص جدا ( بعيونك لغز ماواحد يحله)

غزل
،،،،،،،
هذا النص فاز كأجمل نص غزلي في مسابقة اقيمت على مستوى جميع شعراء المحافظات
،،،،،،،،،
بعيونك لغز ماواحد يحله
يطعم العافية المانكدر انمله
يل شايل برمشك سحر مامشيوف
بينه بكل كتر ربيتلك عله
طولك من يمر يزرع السجة عيون
ويعيل خياله بيه ونستحي نكله
موش عكول بس حلوك داخت بيك
معقولة البشر بيه ينعجب ظله؟؟
النوارس شافتك ظلت عليك تطوف
والهذا السبب وحشه أصبحت دجلة
الورد مابيه ترافة الورد يمك شوج
وبيه لمن تلزمة تبين الخلة
وي أنفاسنة عطرك التف واندار
يل امخلبص اشلون تريدنه نفله
مر ريج العسل والصوم أثر بيه
وبمحراب ثغرك كبّر وصلهّ
ولأن صارن شفافك جنهن هلالين
فطر بسوالفك وبسكتتك حلّه
هوااي عيون شفنه الكحل منها انباك
بس إنت الوحيد الكحلتك كحلة
نمد جف النظر بس موقصدنه نبوك
القصد بلكت علينه الحاجب تسله
عيونك صح إلك بس كمنه بيها نشوف
مرّة أيامنة وبشوفتك تحله
تفاح البخدك كونه شرط الضوك
وحقك مابقت جوه الشجر سله
ديوانك رحب بس بيه فنجانين
مايرضن عليهن تنحني الدلة
هنه بزودهن كل وكت مرتفعات
حون رهبة الوادي وكشخة التلة
الكالو ماكو ظل للشمس جذابين
ودليل اللي نكولة بوجهك تجله
بعز الصيف ظلها إعله الارض ينشاااف
لوفوكاها وجهك شبر يتعله
خارطة الحسن من راسك الرجليك
عوجة المسطرة بس صبتك عدلة
سبحانة الجمع بيك الثلج والنار
بحرنه وي البرد ظليت تتسله
بجدمك كلها تحجي وانت جنك ريح
الدرب طاحت جدامة يريد يوصله
الغبشة الفوك عينك صرنه بيها طيور
اشوي اعطف علينه وميّل الكذلة

اقتباس: المشاركة الأصلية كتبت بواسطة د.فلاح الزيدي     غزل ،،،،،،، هذا النص فاز كأجمل نص غزلي في مسابقة اقيمت على مستوى جميع شعراء المحافظات ،،،،،،،،، خارطة الحسن من راسك الرجليك عوجة المسطرة بس صبتك عدلة

ما أجمل الشعر الشعبي ، نقرأه وندندنه بطرب..
وصفت بطلة النص بسخاء حتى باتت صورتها واضحة للقراء...

د. فلاح الزيدي ..عاشت ايدك

مودتي وتقديري،

سلوى حماد

اقتباس: المشاركة الأصلية كتبت بواسطة سلوى حماد     ما أجمل الشعر الشعبي ، نقرأه وندندنه بطرب.. وصفت بطلة النص بسخاء حتى باتت صورتها واضحة للقراء... د. فلاح الزيدي ..عاشت ايدك مودتي وتقديري، سلوى حماد

الفاضلة سلوى اجمل مافي تعليقك ( عاشت ايدك ) لاني تذوقت بها ملح لهجتي من اخت عربية

ومثلك من يفعلها
تستحق بامتياز
ايها البهي

كتبت فأحسنت ووصفت فأبدعت
لك التحايا

وكيف لا يبدع البديع
غزل بنكهة التوت.. وأطيب
هنيئا للعراق أنت

هو كلام جميل جميل
ويستحق الفوز ولكن بقي الكثير من الألفاظ لم أجدِ بفهمها
ولكن استمتعت كثيراً
تحياتي واحترامي أخي الكريم

كلش حلوه هاي القصيده د. فلاح.
كنت سأقول عاشت إيدك و لكن سلوتي سبقتني فغيرت العبارة.
فعلا راق لي ما قرأت من الشعر الشعبي العراقي...
دام ابداعك أخي الفاضل و لقصيدتك طوق ياسمين.

قصيدة برقة الأنسام وعبق الياسمين
دمت وسلمت أيها الغيداق
أعطر التحايا

هنيئا لك
سحر المعاني وصدق المشاعر انساني عدم فهمي بعض الكلمات
فرأيت الروعة بين الاسطرلانّها تصل الروح دون استئذان
دمت متألقا