عمت عينه للزمان

عمت عينه للزمان
\
صعبة والله لو زعل دجلة وزعل نهر الفرات
والنخل يلوي برگبته
من غُربته سعفه مات
والحرامي من النهب بعده مقانع
لازم ابيده سبحته
وبالخُطب دومة يدافع
بس چذب والفعل غايب
وحتى يكسب
يبصُم بعشرة أصابع
وحتى يسكُت
ال ضميره تشوفه بايع
والبلد كله مآسي
والفتن عنصر أساسي
وهمه چلبوا بالكراسي
والشعب طگ بحصرته
ما بقى عنده أمل ظل بالحياة
دايخ يدور خبزته
من القهر نشفت دمعته
صار يطحن بالصبر ويه الفتات
طلع يركض بالشوارع
عن حقوقه هم يطالب
رايد يعيش بكرامة
ويرسم بوجه الطفل مرة ابتسامة
بعد شتفيد الندامة
ما تصور الظلم هو اللي غالب
هدَّوا الموجه عليهم
بالعصي وية القنابل
طشروهم .. هجروهم ..دمروهم .. مرمروهم
صار كل واحد مكان
والنوارس
بدِّلت أرض الوطن بأرض الشتات
عمت عينه للزمان
اشلون يرضه بناس تحكم
للغريب توطي راس
ما تحس
عايشة چنها بسبات
يا إلهي
انتقم منهم
ومثل ما حرگَّو گلب هذا الشعب
احرگ گلبهم
بلكي فد ساعة فرج وتخلْصَّة منهم
وترجع أرض الوطن تنبض بالحياة

\
1\8\2018
عواطف عبداللطيف

أللهم آمين...
سلم الإحساس والبوح الصادق من أعماق جريحة بجرح الوطن الغالي...
أعزكم الله وقواكم أمي الحانية ولا عدمتم الجمال
ولله الأمر
محبتي والود

قصيدة وصفت الواقع الحزين الذي نعيشه

فخرجت أنفاسها الحرى من قلب مكلوم وصدر مهموم

رعاك الله سيدتي الفاضلة وحماك من نوائب الزمن

تحياتي

ايوالله ياغاليه..حتى دجله والفرات ماسلمت منهم...ليأتينهم يوم ..وستعود العنادل عند عودة أهل الوطن وستعود الحياة بعد رحيل الغربان السوداء ...حياك الله

اقتباس: المشاركة الأصلية كتبت بواسطة ألبير ذبيان     أللهم آمين... سلم الإحساس والبوح الصادق من أعماق جريحة بجرح الوطن الغالي... أعزكم الله وقواكم أمي الحانية ولا عدمتم الجمال ولله الأمر محبتي والود

شكراً ابني الغالي
وفقك الله
تحياتي

اقتباس: المشاركة الأصلية كتبت بواسطة الدكتور اسعد النجار     قصيدة وصفت الواقع الحزين الذي نعيشه فخرجت أنفاسها الحرى من قلب مكلوم وصدر مهموم رعاك الله سيدتي الفاضلة وحماك من نوائب الزمن تحياتي

شكراً دكتور

وفقك الله
تحياتي

اقتباس: المشاركة الأصلية كتبت بواسطة قيس النزال     ايوالله ياغاليه..حتى دجله والفرات ماسلمت منهم...ليأتينهم يوم ..وستعود العنادل عند عودة أهل الوطن وستعود الحياة بعد رحيل الغربان السوداء ...حياك الله

ان شاء الله
دمت بخير
تحياتي

على الجرح يابنة الوطن الحزين
مشاعر عميقة لا تصدر إلا من قلب مضمخ بالوفاء
سحرتِ الوجع فانثال دمعا بإذنك
لعراقنا السلام

أللهم آمين...اللهم آمين
دمتم بحفظ الرحمن

	حياك قلبي أمي الحبيبة .. الوطن ينزف ونحن نزفه ((فصبرا جميلا والله المستعان على ما تصفون)) حياك قلبي