حنين

ترجيت الگمر يمَّه يوديني=وعيوني ترف والدمعة تچويني
چنت انطر اشوفه وهم احاچيه =مدريت القهر ياخذني يلويني
عبالي اگدر احضنه من الاگيه=ينَّسيني القهر بزنوده يحميني
اسمع صوت گلبه وانتشي بي=ومن يدبي الوجع هو اليداويني
حرت وين اطي وچي والبعد طال=وبقيت العُمر اتنه بس يناديني
وصفولي الصبر جايز الي يعود=مو حتى الصبر مل گال عوفيني
أحن ومن حنيني احترگت الروح=طلع بس آني احن او هو ناسيني
كتلني الشوگ وي طول المسافات=اثاري صار عنده حلوة ياذيني