رساله الى نهر دجله

الى من تفرد بوحدة العراق واقسم به الجميع بعد
الله *** الى مـن تـرك العشـاق ذكـرياتهم على شـواطـئه
عـبـر العـصـور***الى ضحـية العـصـر

نهر دجله الطاهر

*********

هــوى دجــلـه يـحـشـم ويـن اهــلـنـه
يـرد لـيه الصدى حشـم يدجـله


ثـجـيـله الكّــاع نـامـت عـل نـواطـيـر
ونوم اهل الكهف غـطه المحلّه


يدجله شـماله وكـتـك شـو كّصه وياك
ردف طـكّـاته ونـيـاشـيـن خـلّه



عكّب ذيج الشواطي التحضن الضيف
وتبـاشـيرالفـرح والـماي دهـله


وزفـــات الشــبـاب ويـه العـصـافـيـر
وعلى صوبينك الكّعـدات تحله


نسـه ؟مايـك اشـمـوع السـمر والبـيض
ونسه صفـنات ام اعـيون شهله


حـكّـه المـاي خـجـلان مـن الشـمـوع
لأن تمـسـاح ربّـه بجـثـث اهـله



عمران العميري

آمل أن يعود دجلة الخير و الطهارة
و نحي ليالي السهر برفقة هديره

تحية ملء الصباح
و تحية أمل

لا أعرف ما أقول هنا

سوى

أستغفر الله العظيم

وجرحي ينزف مع كل حرف

دمت بخير

تحياتي

حـكّـه المـاي خـجـلان مـن الشـمـوع
لأن تمـسـاح ربّـه بجـثـث اهـله


وحقهه العين تسكب دمع كل يوم
وحقهه الروح لو طلبت المُهله
لان شوكي الج شوك المراجيح
بيوم العيد لو صاحت الطفله 0

العميـــــــــري
كنسائم دجله وجدتك هنا
(عذرا لمجاراة حرفك)
من نسائم الفرات ارسل تحيتي
ترافقها مودتي 0

حـكّـه المـاي خـجـلان مـن الشـمـوع
لأن تمـسـاح ربّـه بجـثـث اهـله

يا ويحنا و يا لحزن دجلة !
كم شرب التمساح بداخله من دماء بنيه !
كم جثة ألقيت إليه !
بلا جريرة سوى جريرة عشق العراق
ما أرق كلماتك معه، و لكن ما أقساها علينا من كلمات عتاب !
سلمت و حييت أستاذي عمران
حفظك الله و العراق الكبير بكم
و سلمت و سلم قلمك الصداح بحب العراق دائما
تحياتي لك و لقلمك الذي عطرته بتراب العراق و ماء دجلته و فراته

ناغاج اليحبج كومي ناغيه

يدجله شبيج مايج ما يروّيه

صاحت من حزنها شلون أنطيه

مايي بدمّ أخوته امتزج صافيه

خل يعطش يذوب يموت أرثيه

ولا دم اليتامى بيوم أسكيه

الاستاذ عمران
كلمات روعة
مؤثرة اعادت بنا الى الماضي الى الذكريات الجميلة
الى بغداد الحبيبة
سلمت الانامل التي خطت تلك الكلمات
لك مني ارق التحايا

سادتي الافاضل
السلام عليكم
وكم خجل من اعتذاري لتاخري في الرد على قلائد تعليقكم لقصيدتي
معذرة والله انها الحياة وما تمليه علينا دمتم تواصلا وحضورا

الاديبه :مرمر قاسم(بصمتك تتوضأ بالطهر والامل)
الاديبه:عواطف عبد اللطيف(مرور وحضور ينهل من حب العراق ورافديه)
الشاعره اشراق الانباري(شكرا لمجاراتك الجميله التي توشحت بها كلماتي )
الشاعره القديره وطن النمراوي(مميزة انت بكل حضور وقاسمنا المشترك حب العراق)
الشاعر المتمكن:عبد الرسول معله(اشكرك لتواضعك ومرورك الجميل دمت شاعرا كفؤءبحضورك)
رقيقة القول عائشه الناصري:بصمة تنهل من مواضع الاستذواق والجمال)

اكرر اعتذاري لكم وعساني ان اكن بينكم دائما
لكم مودتي بأفانين الورد