((نبضات في معبد الحب ))

((نبضات في معبد الحب))



روحي ملهوفه وحياتك تشتهيك
صار اسمك قطعه من الساني

انت شريان الكّـلب وانت الوريد
وانت نغمه الفرحتي واحزاني

شمعه تدريني انطفي يوم التغيب
اشلون بيه لو ردت تنساني

يا حلاة الطول يل حبك نداء
بسحر عينك شفت عالم ثاني

الشمس من وجهك تغار اعله النهار
اتكّول وجهك كّام يتحداني

الليل من شعرك اخذ لون السواد
وصرت ليل وشمس بين احضاني

تدري من أتسلهم عيونك غََـديـر
يرتوي منهن ورد بستاني

بيوم ميلادك ضحك يوم الربيع
وصار نيسانك عطر نيساني

كّمت بس أتأملك وشتمْ هواك
حارس آني اعليك أظل من آني

وأمسح أخدودك بديه بكل حنان
وتظل روحي إتماطل بشيطاني

عمران العميري

أنت سور الگلب وأنت سلوتة
نمت جوة العين ما مش ثاني

سعدت أن أبدأ يومي مع هذه السطور الجميلة التي عزفت على وتر الروح

وأن أكون أول المصافحين لهذا النبض

دمت بخير
تحياتي

كل ساعه انتماطل اني ويه الروح
وتضل روحي اعله روحك طير ويرفرف
لان مرسوم كلك بالكلب والعين
اشلون العين تنسه والكلب ينزف

المستذوقه \روح النبع
عواطف عبد اللطيف

اشكرك لبصمتك ومرورك وجمال سطورك
سباقة انت بكل جميل
دمت قلما واسما يرافق جمال النبع
تحياتي وكل تقديري مطرزه بالورد

سلمك الله و سلم نبضك و حرفك
كلمات غزل شفيفة حماك الله أستاذي عمران
و تظل كلماتك لها طعم الحنان و الطيب و الوفا...
لك التحيات و التقدير.

فقط سمحت لنفسي - و من بعد إذنك- تكبير حجم الخط.

القديره الرائعه
الشاعر \وطن النمراوي

اشكرك كل الشكر لمرورك و بصمتك
التي اضاءت حروفي
شكرا للتعديل يا سيدتي (وطن)
تحياتي لك دائما موصولة بالتقدير والتودد

ولونّي كريت هالجمال ورحت دون رد
لتمرد الكَلب على روحي وبكّاني
وجرحني بدمعة عصية عالخد
تطالب برد أول وثاني
حياك الله ولك كل الود
يا زين حرفك مبتسمة خلاني

رقيقة القول والمشاعر
الشاعره \روان اغباريه
اشكرك لهذا الحضور الملون
كلك ذوق
دمت قلما ومشاعرا واسما يعتلي الذاكره
تحياتي لك مؤطره بالورد ومطرزه بالود

روحي ملهوفه وحزينه
وسهر أكَضي الليل بس أتلآوى
وي أحزاني
عيون تبجي دموع من دم
كَلبي مل أونينه
ومن كثر نوحي أجزعت جيراني
يا البعتنا وجنت أظن شارينه
وجنت أكَولن تنسى كل الناس
ما تنساني
آه تعبني العمر وسنينه
أحركَته شمعه لأجل خاين ما وفى
وباعاني

الشاعر المبدع عمران العميري
جميل ما قرأت لك من كلمات عذبة تتغنى
بحبيب تغار الشمس من جمال وجهه والليل
من سواد شعره أنه حبيب يستحق كل هذه
الحروف العذبة . التي جعلتني أرتجل هذه
المقطوعة أرجو أن تنال رضاك . تحيـــــــاتي

ليتني كنت ضليعة بالشعر الشعبي
لكان الرد مختلفاً يا سيدي

سواء رسم قلمك لوحات شعبية أم مشاعـر منظومة
فالحـرف الراقي يبقى سمتك

لك كل التقدير

قلم الشعر والمشاعر
ارقم احمد الكاظم

الف تحية واعتذار لتاخري على التعليق
والشكر على ردك الجميل المؤطرر
بجمال مقطوعتك الشعريه
اعجبتني بجد
اني استرق الوقت واتمنى ان اتواجد مع جمعكم الذي يمنحني
مساحة القول والاستذواق من مداد اقلامكم
شكرا لبصمتك وعتبك على العين والراس
لك تحياتي مؤطره بالورد والتودد وكل التقدير