النصيحة ج2 ( نزوة ليل ) ضرغام العراقي 2011

النصيحة ج2
نزوة ليلالى كل من لا يعرف معنى الحب عليه ان يراجع نفسه! وان لم ينفع فهو ميت


من الباب ادخل مو من الشباچ اذا اتحبهة صدگ اتقدملهة

مثل اختك عرفهة واحد من الناس ترضاهة علية من يستغلهة

تعيشهه بحلم بي عائلة واطفال خاف الله ولك شتسولفلهة

وحدة اثنين عندك هيه يا ترتيب وعلى شكم وحدة ضاحك هم مثلهة

وفندق لو گلب هذه العايش بيه ولا غرفة صدگ من تدخللهة

كافي ماتحس يمكن ضميرك مات وين الفاتحة حتى اوصللهة

ابوهة شگد تعب رباهة بالدمعات وامهة حدبت بس تـكبرلهة

وعلى الحاضر تجي ياحضرت الاستاذ ماتوصل شبر والله الكحلهة

شمعة بيت هي وانتة نزوت ليل ولوگالوا شمس ماتسوه ظلهة

احسبهة عدل باچر وراك عتاب شتگلهة اعتذر متصرفلهة

وفكر تستقر لا تبقة ريشة بريح شباقي من العمر روحك تذلهة

ومااگلك نبي ومااصيرن افلاطون بس المشكلة تگدر تحلهة

هم مثلك چنت والعب على الحبلين! وماتسوة شفت من اصفنلهة

تصح وحدة نعم مو زينة بس مرات اصابيعك لأن مو عدلة كلهة

وتصح وحدة تعجبك لكن بالحظات وباچر من تجي يمكن تملهة

وتصح وحدة اصيلة من الالف للياء وبس خيالهة من يگدرلهة

وتصح وحدة بعد ماتسمع الهة الصوت بس مدوخ العالم خجلهة

واخلاق وقيم تتوارث الاجيال مو غاية وطمع مستقبل الهة

ومثل ورقة الشرف لو تحترگ بالنار لو تكتب قصيدة بس تجلهة

ونصيحة من تحب تختار عدهة احساس مو عدهة شكثر حلوة بشكلهة


ضرغام العراقي 2011

الى / الأساتذة أداري النبع والمشرفين على الصفحة
الى / الأخ العزيز الشاعر ضرغام العراقي
بداية ً معذرة ً للجميع ففي ردي هذا لا أريد الأساءة الى الأخ
الشاعر ولا لأي شخص آخر لكن بما أني أحد المنتمين لعائلة النبع
ويهمني متابعة ما يكتب فيه وتقييمه بحيادية وخاصة في هذه الصفحة
حيث أني اتابعها منذزمن طويل . وبما أني شاعر ولا أدعي التكامل هنا ولن أدعيه
وعند أطلاعي على قصيدتي النصيحة 2010 والنصيحة ج 2 اكتشفت
فيهما الركاكة وأختلال الوزن ووحدة الموضوع أضافة الى الأخطاء الأملائية
الكثيرة . عكس ما قرأته في قصائد الحرية ـ صوت وحلم ـ أبو محتاج قصائد متكاملة موضوعا ً ووزنا ً وأملاء ً حينها راودني الشك بأنهن ليست لشاعر واحد . وهنا أطرح رأي الخاص وقناعتي . حين قرأت اليوم قصيدة النصيحة ج 2 صار شكي يقينا ً وأكرر وأقول هذه قناعتي أنا ولم أقصد بها الأساءة
لأحد لكني لا أجامل على حساب رفع مستوى المنتدى ورقيه أطرح ردي هذا وأنتظر ردكم ورد الأستاذ الشاعر العراقي مع أطيب تحياتي