صار العمر محطات

يمته تسافر ياگمر ووصيك ؟
والوادم الترضه النشد تدليك ؟
گالولي نيتك صافيه
وولايتك متصافيه
گبلك ردتلي مسافر اليندل هلي ..
وگبلك ردتلي مسافر لديرة هلي ..
شگد دورت . . ماحصلت ..
وصار العمر محطات
عديتهن مامش عرف
وكل العمر محطات ..
وخفت اسأل بلايه عرف
ويافشلة الملهوف ويدوّر هله بمحطات

وصفوك الي النواطير ..
گالولي نيتك صافيه .. مثل العشگ والازهار
وصفوك الي النواطير ..
گالولي روحك غافيه ..بين الوفه والاسرار
وگالولي .. گالولي ..
گالولي كل الليل يلتم مايطفيك
گالولي كلك حيل والهم مايمض بيك
وعيونك اللي تحرس الگاع
تشبه عيون الناس والحب والعصافير
تالي العمر محطات
عديتهن مامش عرف ..
وصار العمر محطات
وخفت اسأل بلايه عرف
يافشلة الملهوف ويدوّر هله بمحطات ..
ياعيني ياديرة هلي .. ياروحي ياجنة هلي


زهير الدجيلي

بورك يراعك لروعة الالختيار

يتمونه اهلنه ,, بذيج الايام ,,,,, ومثل يوسف ربينه بوحشة البير
خلونه علج ,, بحلوك الايام ,,,,,, خبز ركَاك ببطون التنانير
احسنت لجمال الاختيار
ونتواصل

الأستاذ الراقي د . أسعد النجار

شكرا لك ولتواصلك الرائع

دمت سالما

لشخصك الرائع كل الحب والاحترام

الأستاذ الراقي جودت الأنصاري

شكرا لأناقتك ولعذوبة روحك

دمت سالما
لشخصك الرائع كل الحب والاحترام