(صبح صوت البلابل حيل مكروه) وصبح صوت العقل أكثر ضحاله الوادم ترتجي علم اليفكرون شو جانه الخبر باحسن مقاله الوطن محتاج بالجمله تموتون الوطن مگرود شو محد بحاله وگالوا بالمقاله نريد تحچون عن اهل العوز واهل البطاله انصبغ لوني وطن واهله يغنون گلت من الوجع والهم حلاله تصوّر حال أيتام ويونون من جور اليتم ومن النذاله وكل اهل الشرف بيهم يوصون بس هذا الوطن ضيّع حلاله وگالوا بالحرب لازم تصمدون وميته من العِطش شيبه وجهاله وصرّح بالقلم نصبر ثلاثون چا گلي العمر فدوه شبگاله وانفتحت علينه عيون وعيون عمت عيني الوطن محد بچاله أبشرك يا بعد حيلي والمتون تره(طش الضعن كلمن مشاله) حسن الشيخ ناصر م/ المقطع الأول باللون الأحمر للشاعر مصطفى السعدي والمقطع الأخير باللون الأزرق من الموروث الشعبي العراقي
قصيدة جميلة ومعبرة ومؤثرة تحياتي اخي العزيز استاذ حسن
اقتباس: المشاركة الأصلية كتبت بواسطة الدكتور اسعد النجار قصيدة جميلة ومعبرة ومؤثرة تحياتي اخي العزيز استاذ حسن الشاعر د. اسعد النجار شكرا لروعتك أيها الطيب لك من قلبي أجمل تحية
الله أستاذ حسن ما أروعك مؤثرة جدا جدا وبديعة بصدق معانيها حياك الله أيها العراقي الأصيل تحياتي وتقديري ومحبتي
طش الضعن كلمن مشاله
العرض العادي
