ضميني من غير ما ألمسك

ضميني من غير ما ألمسك

خليني أشوفك مرة واحدة
لو حتى كانت من بعيد
أنا قلبي كان عصفور وحيد
وف حزنه مسجون من زمان
بيغنّي من خلف الإزاز
من خلف قضبان الحديد
عطشان لحبات المطر
ولا يوم على بالك خطر
إنك خطر.. متحبهوش!
وتحطمي حلمه الوليد!
آه بس لو أصعب عليكي
وتطيّبي جرحي بإيديكي
أنا كنت أصير إنسان جديد
أيامه حلوه، حياته عيد
ياه يا قمر
دا أنا نفسي أطولك من زمان
تشرق لي وتنور غيطان
تهدم حواليا الحيطان
وتبدد البرد الشديد
يا حلوة يا سايقة الدلال
هاتي براءة بسمتك
دليني أمشي ف سكتك
ولو اللقا أصبح محال
خليني بس أتنسمك
وأرسم جمالِك في الخيال
ضميني من غير ما ألمسك
عايزك بعيدة قريبة
سامعاني من غير ما أهمسك
صمتك أغاني وضحكتك موال
وإن خُفتي من كتر البعاد
هابعت لليلك يحرسك
قلبي اللي باح لك بالغرام من غير ما قال
واستنى مطمن وخايف
فجاوبتي من غير السؤال
عن 100 سؤال
الحلم في ليل الهوى بيبدأ هلال
لو ليله ضاع من غير ما قلبك يسهره يصبح زوال
والشوق نضال
من قلب عايز في الهوى
يقطف عناقيد الأمل
طابت ف بستان الجمال
أو يشرب الخمرة الحلال
أنا شوفت من بين التلال
أجمل غزال
ماشي ومعاه النهر سال
شلاله من فوق الجبال
عذب وزلال
وأنا نفسي أشرب من زمان
عطشان وخايف أقترب
ليفر من خوفه الغزال!
يا خايفة من كل احتمال
بحلم أشوفك من زمان
بستان حنان
فدادين أمان
أمنية دافية وابتهال
يا اللي أنت خايفة من الهوى
لأ ما تخافيش
غيرك مفيش
لو أنتي حابة، أنا بعشقك
منتيش منيش!
وياكي لحظة أنا نفسي أعيش
وأحرس جمالك م البشر زي الشاويش
وأوعاكي يوم سهمك يطيش
أنا قلبي ملهوش حد غيرك
مليان جنون
مسجون ما بين حكمة وطيش
خبيني حلم ف بسمتك
خليني أطهر حاجة تسكن دنيتك
وتشوف بنورك
وإن كنت يوم غلطة ف ضميرك
متحبنيش
أنا كنت يوم بحلم أطير بجناح وريش
بس الفضا ما استنانيش
بعدت بعيد عني السما
ولقيتني واقف وحدي فوق أرض العدم
من غير ندم
مستني إنك تيجي تاني يمامة ف عينيك السما
شفتيني ولا مشفتنيش؟
يا بعيدة وأنت قريبة
شيلي الحواجز كلها
خليني أبعد لما أطير
لكني مطمن مفيش
ولا حاجة عنك تمنع القلب الرجوع
أنا عايز أهرب من حدود الأسئلة
وأعطش وأجوع..
للمستحيل
محتاج أقول لك ألف مرة أنا بعشقك
لكني متحنط قتيل
ما أنتي اللي عارفه إن القدر
بيوزع الحزن ف كاسات
يسقيها لقلوب البشر
ويا ريته كان قلبك حجر
علشان عليّا ما تحزنيش
ف عينكي بركان الهوى لما انفجر
ما قدرش يوم يستحمله قلبي العليل
محمد حمدي غانم
11/2/2013

الأخ محمد غانم
ضميني من غير ما ألمسك
خليني أشوفك مرة واحدة
لو حتى كانت من بعيد
أنا قلبي كان عصفور وحيد
وف حزنه مسجون من زمان
حقق الله الأماني
دمت بخير
وعافية
وهناءة

شكرا لك أ. عبد الناصر..
تحياتي

ليت القمر يحن ويفرد نوره ليسعد الروح بعد طول انتظار ويتحقق الحلم

حروف من شوق وحنين

دمت بخير
تحياتي

شكرا لك أ. عواطف على هذه المشاعر النبيلة..
تحياتي

اقتباس: المشاركة الأصلية كتبت بواسطة محمد حمدي غانم     ضميني من غير ما ألمسك خليني أشوفك مرة واحدة لو حتى كانت من بعيد أنا قلبي كان عصفور وحيد وف حزنه مسجون من زمان بيغنّي من خلف الإزاز من خلف قضبان الحديد عطشان لحبات المطر ولا يوم على بالك خطر إنك خطر.. متحبهوش! وتحطمي حلمه الوليد! آه بس لو أصعب عليكي وتطيّبي جرحي بإيديكي أنا كنت أصير إنسان جديد أيامه حلوه، حياته عيد ياه يا قمر دا أنا نفسي أطولك من زمان تشرق لي وتنور غيطان تهدم حواليا الحيطان وتبدد البرد الشديد يا حلوة يا سايقة الدلال هاتي براءة بسمتك دليني أمشي ف سكتك ولو اللقا أصبح محال خليني بس أتنسمك وأرسم جمالِك في الخيال ضميني من غير ما ألمسك عايزك بعيدة قريبة سامعاني من غير ما أهمسك صمتك أغاني وضحكتك موال وإن خُفتي من كتر البعاد هابعت لليلك يحرسك قلبي اللي باح لك بالغرام من غير ما قال واستنى مطمن وخايف فجاوبتي من غير السؤال عن 100 سؤال الحلم في ليل الهوى بيبدأ هلال لو ليله ضاع من غير ما قلبك يسهره يصبح زوال والشوق نضال من قلب عايز في الهوى يقطف عناقيد الأمل طابت ف بستان الجمال أو يشرب الخمرة الحلال أنا شوفت من بين التلال أجمل غزال ماشي ومعاه النهر سال شلاله من فوق الجبال عذب وزلال وأنا نفسي أشرب من زمان عطشان وخايف أقترب ليفر من خوفه الغزال! يا خايفة من كل احتمال بحلم أشوفك من زمان بستان حنان فدادين أمان أمنية دافية وابتهال يا اللي أنت خايفة من الهوى لأ ما تخافيش غيرك مفيش لو أنتي حابة، أنا بعشقك منتيش منيش! وياكي لحظة أنا نفسي أعيش وأحرس جمالك م البشر زي الشاويش وأوعاكي يوم سهمك يطيش أنا قلبي ملهوش حد غيرك مليان جنون مسجون ما بين حكمة وطيش خبيني حلم ف بسمتك خليني أطهر حاجة تسكن دنيتك وتشوف بنورك وإن كنت يوم غلطة ف ضميرك متحبنيش أنا كنت يوم بحلم أطير بجناح وريش بس الفضا ما استنانيش بعدت بعيد عني السما ولقيتني واقف وحدي فوق أرض العدم من غير ندم مستني إنك تيجي تاني يمامة ف عينيك السما شفتيني ولا مشفتنيش؟ يا بعيدة وأنت قريبة شيلي الحواجز كلها خليني أبعد لما أطير لكني مطمن مفيش ولا حاجة عنك تمنع القلب الرجوع أنا عايز أهرب من حدود الأسئلة وأعطش وأجوع.. للمستحيل محتاج أقول لك ألف مرة أنا بعشقك لكني متحنط قتيل ما أنتي اللي عارفه إن القدر بيوزع الحزن ف كاسات يسقيها لقلوب البشر ويا ريته كان قلبك حجر علشان عليّا ما تحزنيش ف عينكي بركان الهوى لما انفجر ما قدرش يوم يستحمله قلبي العليل محمد حمدي غانم 11/2/2013

--------------------
هاتي براءة بسمتك
دليني أمشي ف سكتك
ولو اللقا أصبح محال
خليني بس أتنسمك
وأرسم جمالِك في الخيال
ضميني من غير ما ألمسك
عايزك بعيدة قريبة
سامعاني من غير ما أهمسك
صمتك أغاني وضحكتك موال
-----------------

الشاعر العذب محمد حمدي غانم

ما أروعك وما أروع حروفك

كيف غاب هذا الجمال عن المشرفين
ليتها تثبت

لكي نستشق من عبير عطرها الزاكي

للجميع من أجمل تحية

مشاعر جميلة وحروف عذبة
الأستاذ محمد حمدي غانم
نص رائع زادته العامية المصرية سحرا وبهاء
تحياتي وتقديري

أ. حسن الشيخ:
شكرا لتقديرك واحتفائك وحسن انتقائك..
تحياتي

أ. سولاف:
سعيد أنها أعجبتك رغم اختلاف اللهجات.. وإن كنت معظم الكلمات التي استخدمتها في هذه القصيدة قريبة من اللغة الفصيحة..
تحياتي