يا عراق

يـــا عـــراق
=======
يا عراق.........
أنت ﭼـيف أحلى وطن...
حتى الجروح اختارتك للسكن ؟؟
يا وطن.........
سكت طواحينك تعبنا ...
بعد ما ظل بينا شي يسوه الطحن
..................كل شي انطحن
يا وطن..
يا بيت أيتام
وروازينك بلايا ستور ..
وعيون الوكت وكحات شو ما يستحن
واحنه بس ﮔلوب
مصلوبات بحبال الوكت يتلولحن
يا وطن...
يا بو البساتين الوسيعـة
شبيهن عشوشك يعبن خوف..؟
ومجـفله الطيــور.
يحومن منجرات ما يرضن يجـن ؟
يا وطــن...
يا المشمس وفيّك ضخين..
شبيها ناسك لابسـه هـدوم الحـزن ؟
صيفهم يتعدا ما بيه نسمه..
ومن طاري اشته ضلوعهم يتراجفــن
يا وطــن...
يا يـوم تطينـه نتيجـه...؟
لو نگضي أعمــارنا بس نمتحــن!!
بس يا وطــن..
كــافي اختبارات وتجـارب..
احنه مو جاوبنا عن أصعب سـؤال..
وحتى ألوان الدفاتر ﭼــانت بلـون المحـن ؟
وﭼـــان دفترنا خشن
وأكل مسّاحاتنا وملينا من قــط القـلم...
ولليـوم تاكل يا وطن بأقــلامنا...
وأنت تدري
بقلمي مو مثل الأقــلام يخـط رصـاص
آنــه قلمي خطـوطـه دم
بس يا زمن
أنريد نغفه بلايـه هــم

رغم أنّ القصيدة باللهجة العامية
وأكيد فيها كلمات لم أفهمها
إلاّ أنّ لغة الحزن وعشق الوطن لغتان تخترقان الحدود نفهمها من خلال المشاعر الصادقة والايقاع الجميل والحرف الاصيل
بوركت أنامل غنّت الوطن

أبعد الله الهم عن عراقنا الحبيب وأهلنا
يا رب آمين
الأستاذ ابراهيم الغراوي
سعدت بالمرور على هذا الحرف الذي يثير الشجن
دمت مبدعا
تحياتي وتقديري

ياوطن
كلنه انظلم
ما بقى عمر اللي يسوه
والمحن يتزايدن
والهموم هواية كثرن
عالجسم يتمرجحن
والنخل كُله يبس
والأرض مليانه دم
والحزن خيَّم علينه
محد من عنده سِلم
والطفل يبچي وصُفنْ
يگول لاُمه
الفرح والضحكة يمه
غادرونه
بس دردّي وريحَّيني
هم يجن!!!!!!


المعذرة لحروفي التي خرجت وأنا أقرأ

حمى الله وطننا الغالي من كل سوء
تحياتي

قصيدة معبرة عن واقع مؤلم يعيشه وطننا الجريح

تحياتي

حفظ الله عراقنا الغالي ورد عنه المكاره والسوء
سلمت حواسكم أيها القدير وحفظكم الله
محبتي

	طيب الله انفاسك وصح السانك احسنت وابدعت واقول الك الله ياعراق

الاخت ليلى
أبعد الله عنكم الاحزان
ممتنا لمروركم البهي

كان مرورك نورا أضاء لوحتي
تحياتي لدوام متابعتكم, اختي سولاف

حماك الله أختي عواطف
أشكر تفاعلك مع كلماتي وردك
العفوي الممتع...........