عراق , ويا عراق شوكت ترتاح

وطن يعتب عتاب آباء لأبناء
وطن مجروح , وجروح تزفّة

*****

خنجر مو سياسي بظهرك يصير
ولو بيدة , حتى اسمك يحذفة

*****

واحدهم يجر بعرض وبطول
ويخت الي يشيلة هم يزرفة

*****

مو مسألة جيب وهاك وانطاك
ولا مصلحة ومال اعلينة يخفى

*****

لكن هالبلد ينرادلة كلوب
وضمير يفيض من عيونة عفّة

*****

وأزيدك يا حبيبي من الشعر بيت
عراقك هذا اعدائه تحفّة

*****

اذا مرتــــاح ما تهتم باليصير
نام براحتك يا عمي وسفة

*****

وسفة ابن الوطن يكظيها جوعان
وانت عالترف شبعان تغفى

*****

انزل عالشعب شوف القهر بيه
جم حرمة تبيع بسوك وكفة

*****

جم محتاج يبحث عالشغل وين
واذا ما يلكة , للشارع يرصفة

*****

وشفت اصغار توكف بالدرابين
تستجدي اليجيها الما تعرفة

*****

شفت عزة وكرامة بكل الوجوه
فقيــــــر ويرتدي اثواب عفّة

*****

وسياسي يشرب النفطات ترياق
ترة مضمومكم , ابداً ما يخفى

*****

مصالحهم عريــــــضة بعرض الامتار
وحق الشعب , بالله شوية كصفة

*****

عراق , ويا عراق شوكت ترتاح
ومن كل المصايب يمتة تصفى

*****

بعد الياوكت نصبر على الآه
جزعنة والصبر صار النة وصفة

*****

كضيناها خريف نضيع السنين
تهز بينة المصايب مثل سعفة

*****

تيهنة الطريق بيا كتر صار
ومن هم العلينة ما نعرفة

*****












علي حسين

بورك يراعك اخي المبدع علي

انها مأساة العراق وشجن أهله صغتها شعرا

مودتي

اللهم بارك في العراق وأهله ويسر له رجل صالح يعيد
له مجده وعزه وأمنه.
هطول راق
احترامي

عاشت ايدك وأنت تصور الحال الذي وصل له وطننا الغالي بكل ما فيه من وجع

وسفة ابن الوطن يكظيها جوعان
وانت عالترف شبعان تغفى

واسمحلي أني أكول

وسفة ابن الوطن يكظيها برة
تنطي الخير للي ما تعرفه

تحياتي

د . أسعد النجار ,

و بورك هذا التواجد سيدي

تحية تليق و حضورك

رياض حلايقة ,

جزاك الله لـ دعواك

وبوركت لـ هذا الحضور

تحيتي

عواطف عبد اللطيف ,

عظيم الامتنان لـ مرورك وتعقيبك

بوركت ِ اختاه

يا الله كم كان الحرف موجعا
رغم أنني لم أفهم بعض الكلمات
ولكنني فهمت المشاعر الصادقة
وقرأت من خلالها الحروف
كم كنت إبن وطنك وبجدارة

بورك فيك اخ علي...من رماد الوجع خرجت الاحرف النقية
تحية امتنان وتقدير اليك

وأنا أقول
كل يوم انفجار ابشارع يصير
وهذا الموت صاير النه حِرفه

شباب ورود راحت بالملايين
غطّاها التراب بلايه رأفه

وين ارجالنه جا ما يكَومون
ضمايرهم غفت والغفّه غفّه

تحية لقلمك الملهم أ. علي التميمي