هذا زمان المسخرة !!! هذا زمان المسخره !!!

هذا زمان المسخرة!!! هذا زمان المسخره!!

مو صرنا نرجع ليوره
صار الرجل مثل المره
هذا زمان المسخرة!!! هذا زمان المسخره!!
وابلادنا صارت مقبره
وين متروح مجزرة
هذا زمان المسخرة!!! هذا زمان المسخره
انطينا الحكم للكفره
صرنا يخوي مستعمرة
هذا زمان المسخرة!!! هذا زمان المسخره!!
ماكو فعل بس ثرثرة
يكفي مو صرنا مسخرة
هذا زمان المسخرة!!! هذا زمان المسخره!!
ابوابنا كلها امكسرة
وابيوتهم كلها امعمرة
هذا زمان المسخرة!!! هذا زمان المسخره!!
ما ظل اكل بالطنجرة
اجدورنا كلها امزنجرة
والناس كلها امرمرة
هذا زمان المسخرة!!! هذا زمان المسخره!!
سياسة صارت مهزلة
ذبانة اتحولت بقرة
والينتقد ياكل ......
هذا زمان المسخرة!!! هذا زمان المسخره!!
الذبح عدهم مفخرة
امخلي عقله ابوروره
دبابة تحرس ماكره
هذا زمان المسخرة!!! هذا زمان المسخره!!
مانحب نحنا بلبلة
اليعارضنا نقتلة
هذا زمان المسخرة!!! هذا زمان المسخره!!
بغداد صارت مزبلة
بنت الكرم بانكلترا
امحمرة وامعطرة
وامعنفصة وامبختره
وابوها شامط خنجره !!
باسم الشرف والمفخرة
هذا زمان المسخرة!!! هذا زمان المسخره!!
حكوماتنا امدستره
شعوبنا كلها امخدرة
ماكو فعل بس ثرثرة
هذا زمان المسخرة!!! هذا زمان المسخره!!
يا مسخرة يا قشمرة
يا مسخرة يا قشمرة
يا مهزلة يا قشمرة
اخوكم ابن العراق الجريح: صلاح الدين سلطان

هذا زمان المسخرة
واحدنا لازم بالسره
كلمن يجره ليوره
أرواحنه متمرمره
الحصة ماكو يامره
ثاري طلعت مبيوگه

المعذرة لحروفي
احببت المشاركة
تحياتي

سخرية ممزوجة بالألم

وشر البلية مايضحك

تحياتي

هذا زمان المسخرة
واحدنا لازم بالسره
كلمن يجره ليوره
أرواحنه متمرمره
الحصة ماكو يامره
ثاري طلعت مبيوگه
............................
صار العلم بالمزبلة
كل يوم نرجع ليوره
شوفي بيوتهم يامره
بوك اونهب بانكلترا
مليون ينطي العاهره
ميحجي الا ابشمخره
سكتي يا خيتي الشاعره
يجيهم يوم بالسره

انرت جنينتي يا عواطفنا الواعية والعزيييييييييييييييييييزة وهاج سلام من عصير اهات الوطن.
اخوج ابن العراق الجريح : صلاح الدين سلطان

استاذي الموقر ، واخي المكرم الدكتور اسعد النجار.
اولا اقدم اعتذاري لتاخري بالرد نتيجة اهمال لا اعذر نفسي عليه.
نعم ، صدقت يا استاذنا الكريم:
شر البلية مايضحك
تقبل تحياتي الاخوية ودمت بعز وخير.
اخوكم ابن العراق الجريح : صلاح الدين سلطان

هذ زمان المسخرة
الجان حافي يعيب
عل الجان لابس قندرة
العيب كل العيب
عل صدك هل المسخرة
مهزلة اليحجي بيه
عكركة صارت بقرة
واليحجي ياكل....؟؟
---------------
كنت اكثر من رائع..وجعلتني معك استرسل
تحياتي ايها المبدع الجميل

استاذي القدير واخي الكريم قصي المحمود.
سلام الله عليك يا ابن العراق الاصيل.
(( هذ زمان المسخرة
الجان حافي يعيب
عل الجان لابس قندرة
العيب كل العيب
عل صدك هل المسخرة
مهزلة اليحجي بيه
عكركة صارت بقرة
واليحجي ياكل....؟؟ ))
اجدت ، اجدت ، اجدت وكلماتك جت مثل مرهم عل الجرح. قسما بالله ضحكت بفخر من اقوالك الذهبية ولما ازل اضحك.
تقبل مني تحية الاخوة ارسلها لكم بكل اعتزاز يا ابن العراق الاريحي الشهم.وهذه الابيات المرتجلة تاييد لتعليقك الاريحي الدسم.
مو بس لبس القندرة
كام يتباها ابوروره
صار قائد بالعفترة
يؤمر ولا من يؤمره
هذا زمان المسخرة هذا زمان المسخرة
مع احر تحياتي لشخصكم الكريم يا اخي الفاضل فصي المحمود.
اخوك ابن العراق الجريح: صلاح الدين سلطان