عطشان و نهر

هيـه عذبـتـنـي هـيــه
حطت الحسرات بـيـه
هيـّـه حرمـتنـي هـيّـه
خلّفـت طـعـنـات بـيـه
.
هي الي حبّتني ، تركتني ، حركتني ، بفراكـ وقهر .
هي الي شعلتني ، خنكتني ، موتتني من دون البشر .
.
وما بكت للآه ريّه
هيّه عذبتني هيـّه
.

جيت ابشرك يالمحب ما ظل بعد عين
تبجي تهملني دموع من المضى منين
آنة يا روحي اخسرتكم و الصبر وين
والكلب صاير خريطة من النياشين
.
جيت اسأل اصحابي ، احبابي ، غيّابي ، عن المعذره
ارد اوكف ببابي ، وعتابي ، وحسابي ما واحد دره
.
واصفك اثنين إديه
هيـّه عذبتـنـي هيّـه

.

آه يا عمر الكضيته وياج حسرات
بالمهد حلمي صِغِير من الحزن مات
من قطار الحب نزلنة والعمر فات
آه لو يرأف كلبها بكلبي ساعات
.
مثل الي عافوني ، خذلوني ، وئدوني ، ما شايف بشر .
هم الي خانوني ، صلبوني ، أقصوني ، عطشان و نهر .
.
أطلب من اجفاك ميّه
هيّـه عـذبـتـنـي هـيّـه

.
.
.
علي التميمي
8 فبراير 2017

الله يا قدير
ما أعمقه من بوح شجي عذب..
رغم تلعثمي فيه هه
إلا أنه راق وبديع
سلمت حواسكم أيها المبدع
محبتي والاحترام

اشلون بيها هالبنيه
انطرت من عدها جيه
بكل صباح وكل مسيه
كلشي راح وياها هيه
وما بقى غير الاذية

المعذرة لحروفي
كما جاءت وأنا أقرأ المعاناة والعتاب

اسعدك الله
محبتي

آه منها هالنية
كيف تسعى للأذية
والفتى صاحا وعشية
يأسف طلمها هي
لاعليك هي لا تعرف علي
ذاك الفتى الاصيل الابية
تحياتي

اقتباس: المشاركة الأصلية كتبت بواسطة ليلى أمين     آه منها هالبنية كيف تسعى للأذية والفتى صباحا وعشية يأسف طلمها هي لاعليك هي لا تعرف علي ذاك الفتى الاصيل الابية تحياتي

اعذروا بائي تلعثمت

غنائية جميلة أحببتها
حروفك بصمة بديعة أينما حلّت
إعجابي الجم

	احسنت وابدعت ياغالي طبت ودمت

زرعت احلام بارض اوهام
حصدت الشوك والعاكول
التميمي الجميل ..جميل في كل الضاد

احسنت بوح رائع يدخل القلب لعذوبته
كل التقدير