ما مخفيه نيتك
ما مخفيه نيتك كلشي ظاهر
ولا دمع الجذب يكسر الخاطر
شايف كلب من كل صوب مطعون
صايرمو كلب لوحة خناجر
مثل فراشه احومن وانته من نار
حلوه النار بس تجوي المجامر
شطك ما نشف متروس حيات
وان العطشان اجيتك للمشاعر
كضيت العمر كله وياك خسران
شما جربت ابكه وياك خاسر
سلات العنب متروسه للناس
وانه العنب مالي وبس اناظر
حطبت الصخر بس ردت ارضيك
مثل عود التبن الكاك طاير
صار هواي من خلصت شطيك
تصير رماد من تكضي الجكاير
شكد ردتك تجيني سنين اناديك
ما تسمعني مثل اهل المكابر
عميت وما شفتني بشلت الحال
شلون اليوم اشوفك حتى باجر
عشت كل عمري اشري وانته لتبيع
صرت للظيم من عشرتك تاجر
هسه اليوم انه الما ارد ليك
بعتني وما اريدك لا تشاطر
لا تبجي وتحاول ادري جذاب
نترس بالظيم كلبي وما كو شاغر
حسبالك ارد من تذرف دموع
مثل كل مره بس تكول حاظر
آخر تعديل عواطف عبداللطيف يوم 11-13-2014 في 04:38 AM.
ما مخفيه نيتك
العرض الشجري