دارميات عراقية 2

حجيك حلو يهواي بس ما أصدكه

هم شفت انته كلوب محلروك أعلكه

كالولي وين هواك ,,,,,, كلتلهم بعيد
فوك القهر والضيم ,,,, خان المواعيد

ياولفي وين اتروح كلبي يحبك

بعدك تظل الروح اتون وتندبك

يا دنيه مطري اهواي وسويهه طينه *** بلكت حبيب الروح يزحلك علينه

اقتباس: المشاركة الأصلية كتبت بواسطة جودت الانصاري     حبك يبعد الروح ,,, سواني دلّه للرايح وللجاي ,,,,,,,, عني تكله ما اجله من سجال اظن اننا نحتفظ كل يوم بشطر اول دارمي ونبني عليه الى اخر السهره ونستبدله في اليوم الثاني,,,, مجرد اقتراح وبذلك تكون المساجله حيه

فعلاً تكون المساجلة حيه بهذا الشكل
معك فيما ذكرته
وتستبدل في اليوم الثاني
دمت بخير
تحياتي

اقتباس: المشاركة الأصلية كتبت بواسطة الدكتور اسعد النجار     ياولفي وين اتروح كلبي يحبك بعدك تظل الروح اتون وتندبك

ياولفي وين تروح گلبي يريدك
ذيج الگلوب هناك لا ما تفيدك


ليكون البناء على ما جاء به الدكتور أسعد لهذا اليوم

ياكلبي وين اتروح ارد آنه اكلك

درب اللذي تمشيه خافن يذلك

اسمر واخاف عليك من مشية الكاع *** فوك الجمال البيك
عيونك وساع

أشكر وخاف عليه من نظرة العين

واليحسدك يهواي ادعيله بالبين

تخافن عليَّ اتكول من نظرة العين
بس لا تروح بعيد وتتركني للبين