الأبوذية

راح القلب ويَّا الروح روحه
وفوك النجم علا بصروحة
شبدينه ياناس وبالعشك نوحه
حزين وبدينه تضيك الاذيه

تعال إومن عليه منه منه
ترى بيتي مَيظيع منا مناه
يناس القهر كله منه منه
صاحبته وشفت كل الأذيه

انت الدولبت حالي ولا جيت
وروحي تلهج بذكرك ولاجت
شجم مثلك تلكّاها ولا جت
بس انت المراويني المنيه

هله ياسلوة كليبي ولهوه
يمن غيرك فلا خاوي ولهوه
انت الماي والماكل ولهوه
لوصديت كلي شيظل ليه؟....

يهل امرك وامرنه ,,,, مو بدينه
نهايتنه كتبنه ,,,,,,,,,, ما بدينه
بعرف الظلم شرّع ,,, مو بدينه
قاضينه وبعدنه بلا خطيه

من ابعدت دمعي نزل منسل

شنهو اليضر شخصك منسل

عدوانك تراهم شكو منسل

ارحمني يحبي وعود اليه

كلبي من الجروح صار بيه ونه
وليشوف حالي ينقهر ويكتم الونه
طبيبي مالكه علاج بس شخص الونه
ونة كليبي تبجي الكافر عليه

حبيبي من تشد راسك ,,,, ,,,سلامات
عدوك عسى بعون الله ,,,,, سل ومات
اظل ابعث لعد خدك ,,,,,,,,,,, سلامات
لان خدك قدر نازل عليه

حدا حادي الظعن والحلو مابان

وسري انكتم للعذال مابان

حسبته بالكلب تاليهه مابان

بكه طول العمر ضايع عليه

حبــيـبـي دمعــة بعيــــــوني وأنشفــــــه
ضلـــــــــوع توسد بصدري وأنا شفـــاه
فـــرشت المـــوت بس يسأل أنا أشفـــى
وأداوي الناس لو يمسك إيديه