الأبوذية

هاك الكلب بيدك حيل طحنه
امس فوك النجوم واليوم طحنه
شبدينه وبالعشك ياناس طحنه
غشمه وكلوبنه تحب الاذيه

سهرت الليل انه اعليك منطر
وعيوني ع الدرب ياهالناس تنطر
شفت وجهك عبالي الفجر منطر
كمت صليت من غصبن عليه

عتاب الناس عذبني وأذاني
عمه عيني وطرشلي آذاني
فديتك يابعد عمري أذا آني
بعد لتگول عني مو وفية

احبك من جنت تلعب ,,,, ,,,,,ملاعيب
العشره لا هي محرمه ,,,,,,ولاعيب
اصيرن لجلك امدرب ,,,,,,,,,,,,ولاعب
وطلّع كول بس تصد عليه

بعدك بالجسم أثر وناراك

جروحك بالكلب تلسع وناراك

يولفي شكد بعد جسمك وناراك

يمته اتعود ونعيشن سويه

غاب الكمر من شافك ولاهل
ولغيرك مانزل دمعي ولاهل
مالي دار بالدنيا ولااهل
عزيز ويصعب فراكك عليه

حبيبي الدهر كسّرنه ,,,,, وهدنه
وابد ما يرتضي مصالح,,,,, وهدنه
نتف ريشات طايرنه ,,,,,,,, وهدنه
نطير ونكع كل مره بهبيه

اجه اليم باب صفحتنه ,,,,, ولا مر
ولا ضكت الحلو بهجره ,,,,,, ولا مر
تدري الاصعب بجيته ,,,,,,,,, والامر
مر بغير ميسلم عليه

روحي تحترك شمعة لجلكم

لون عنكم يمنعوني لجلكم

وصلكم لو يشح والله لجلكم

وظل الهج بسمكم للمنيه

لفاني مطرز بشامات **موزر
خمل وزرار فوك ألصدر ** موزر
كلبي من خزرته يثور **موزر
نهوده والتفك طكن بيه
-----------------