قصيدة مفتوحة والدعوة عامة

كص الدهر مني الضلع

ولجبدتي اقلعها قلع

وعظامي خلعهن خلع

مسحونه ومطروكه

لا والله ما أعـوف الوطن
وانطيه لاصحاب الفتن
لو كـوخ اسويلي سكـن
وبدمي أروي عروكة

***********
صح خلصت عمـري تعب
والدنيـا راوتني العجـب
بس عـودي ظل واكف صلب
ما فاركنه عــروكه
***********

ﮔــالولــي بالســـلة نبــﮒ
كيّفـت حسبـالي صـــدﮒ
ودولي مخزن بيه فشـﮒ
ﮔـالوا الليلة نبـوﮔـه
------------
وادمنـا ملتهيـه بعمــل
هذا انـذبح ذاك انـﭽـتل
ما اعتقد يمهم أظـــــل
لهجــر الحي وسوﮔـه
----------------
ما عنـدي بيت ولا ذره
ودشداشه عندي موذره
ويلوم بيّه أبن الخـر....
شو ماكل بخاشوﮔـه
-----------------------

حرية حسبالي أجد
گليبي سل من الوجد
محروگـ من جدٍ وجِد
كلمن فتاها البوگه

حسن الشيخ ناصر
======

تاليها ما عندي سكن
والحيل طاح من المحن
والنخل هم ناله الزمن
وزاد الوجع بعروكه

عواطف عبد اللطيف
======

أبيض شعر راسي غده

اجروح الكلب متعدده

والروح جثة امددة

ومن الحزن محروكه

د. أسعد النجار
=======

كالوا شبيه هذا الوطن

كلتلهم هواي الفتن

ذبلن اضلوعه وانحنن

وركيبته مخنوكه

د. أسعد النجار
=======

سلّيت والله من القهر
مالوم مكسور الظهر
عطشان وبيتي النهر
ومسددات حلوگه

حسن الشيخ ناصر
=======

گالوا لعد ليش ابعدت
كلتلهم آني ما ردت
والله تعبت وتبهذلت
أرض الوطن مبيوگه

عواطف عبد اللطيف
======

كل الوجوه اتبعثرت
وتعذبت واتمرمرت
بغيره والله ما رضت
بالگلب والله شوكه

عواطف عبد اللطيف
======

امصيبه يصاح امصيبتي

تحرج الوادم حسرتي

ماشفت راحه وسفتي

اسنين العمر مسلوكه

د. أسعد النجار
=======

كالوا اشبيكم ياعرب

أهل الشهامه والحسب

باكوا السله والعنب

واحنه النياح انضوكة

د. أسعد النجار
=======

كص الدهر مني الضلع

ولجبدتي اقلعها قلع

وعظامي خلعهن خلع

مسحونه ومطروكه


د. أسعد النجار
=======

مگرود حظه ما لچه
ولانفع وياه البچه
مچتول ماظن تدرچه
وشتخيط من اشگوگه

حسن الشيخ ناصر
=======

شيفضها وي هذا الدهر

لو راد يوليله بشر

بيته يظل طول العمر

ضوياته ما معلوكه

للديره اجوا عدهم غرض

أفكارهم كلها مرض

لتبالي ابطول وعرض

راياتهم ملبوكة

الهتاف صار بفد فلس
والحفرة لا ما تنترس
والغيم سد نور الشمس
كلمن يدلل سوگه

هذا العراق بكل فخر

عالي يظل طول الدهر

متهمه آهات وكدر

ويزهي النخل بعثوكه

تعبت أيديه وآنه أعد
بالغربة كل يوم بدرد
كللولي لا لا لا ترد
سچتنة ما مطروگه

هذا التراب المرتوي
من دمع قلبي المنكوي
وذراعنا ما يلتوي
نفضل بحلقك يا العدو شوكه
هذا التراب حمرّت خدوده
ومن وريد العزّ منزوده
عساها تفتّح غابة وروده
دمانا لأجلو دوم مسفوكه


أخي القدير الأستاذ حسن لا أعلم إن كنت قد أجدت الوزن الصوتي معكم محبتي يا الغالي وشكرا على هذه الرائعة