مليت الصبر

صبري يا بو سعـود خلاني عظـم
المشوا ما همـوني هماني الهضم
من على عنــادي اشوفـن يبتسم
بودي من شماتي اغط راسي بجمر

لا تصّبر اسعد لتكلة إنتظر

المشوا ما هموه هماه الفجر

مو على عنادك تراهو يبتسم

على عناد الراح وخلاه بهجر


عذرا استاذي الدكتور اسعد ان ذكرت اسمك هكذا مع كل الأجلال

آنه يا بو سعـود خلاني عظـم
المشوا ما هموني بس همني الهضم
من يمر شامت عليّـه ويبتسم
أحس حدر ضلوعي يتسعر جمر

اقتباس: المشاركة الأصلية كتبت بواسطة ابراهيم الغراوي     آنه يا بو سعـود خلاني عظـم المشوا ما هموني بس همني الهضم من يمر شامت عليّـه ويبتسم أحس حدر ضلوعي يتسعر جمر

صبري يابرهوم فت اعضاي فت

ماجره اعله احد ولامثله شفت

جيت عليه مثل جني جفت

ودمعي يبراهيم كت مثل المطر

اقتباس: المشاركة الأصلية كتبت بواسطة وقار الناصر     لا تصّبر اسعد لتكلة إنتظر المشوا ما هموه هماه الفجر مو على عنادك تراهو يبتسم على عناد الراح وخلاه بهجر عذرا استاذي الدكتور اسعد ان ذكرت اسمك هكذا مع كل الأجلال

ياوقار انت عزيزة وعاليه

شما تناديني بكلبي غاليه

آنه مثل البلم وانت الساريه

وهاي جلماتج اتخفف كل كدر

شكرا لمداخلتك مع التحية والاعتزاز

احنـــه يا دكتــــــور مللنه الزمان
بينه كومه جروح ما يكفي المكان
مـــا يفيد الشل بعــــد فات الاوان
والزرع دكتــــور ما طلــع تمــــر

آنه راح اسمع حجي اختي وقار

كل حجيها حكم بيه عز وانتصار

وانته يمحمد تعال وبقتدار

خلي نسهر وبفرح ويه الكمر