لو عديت زينك تاه عدي واعدك احسن الصحبان عدي كلامك بالكلب لضن اعدي اتأذه علحالك كل أذيه
ايد بايد رحنه احنه وسرنه وكتمنه عالخلك حبنه وسرنه بجيتك ياحلو افرحنه وسرنه بلكي انعيد ايام الزهيه
احنه محبتك جالعمر عدنه بعدنه عليك بس اليوم عدنه جينا انعاهدك بس انته عدنه تضل اعله العهد حتى المنيه
يصاحب رد لعد اهواي ودي سلامي ومن جميع اعضاي ودي الف وسفة تكول اصواب ودي لجل كلمة أبد مابيها أذيه
خمس تيام طيفك علي ما فات وتكول صواب سهمك كلبي ما فات يا شيخ البكربك على ما فات اريد الله اليصيبه بهل البليه
تدرون الهوى ياناس جبار كسر ضلعي واريدن ضمد جبار يمزيونه اعتني بهواج جبار يحبج يعتنيج ابكل مسيه
جيتك اركض انه عليك ما جار تجور عليه وانه عليك ما جار شما يجري عليه وبعده ما جار منك ما تخاف الله بيه
بحر حبكم يهل ودي جفنه بعدكم ماغمض ساعه جفنه الفكدكم سود أيامي جفنه الليالي بيكم اللي تشع هيه
تغيب الروح بغيابك واردها كتاب جفاك من عندك وردها روحي بفركتك يذبل وردها شمس انت وتنور الدرب ليه
اشما تزعل وترضه هي دنيه حبين آنه حلوة اسمها دنيه نزلتني مراتب صدك دنيه شكو عاذل بكة يضحك عليه
رد: الأبوذية
العرض العادي
