لا أبد وحياة عينك
آني والله ما نسيت
أنت تدري
صاروا يبيعون بينه
قَّفلوا كل الحدود
هدوا الموجة علينه
ضاع كلشي من إيدينه
دمرت كل السدود
والوجع كل يوم يكبر
والحنين بگلبي يزأر
ساعة عن ساعة يزود
يا بعد عمر ياعيني
آني مثلك ما لگيت
آني جيتك
ضوجت كل اللي يمي
بعلو صوتي كمت أصيح
وأنت وينك ما ترد
خنت عهدك من رحت عني بعيد
والجرح كل يوم يكبر
وين ما أمشي أطيح
والصبر مني طفر
والدمع صاير بحر
رسم بخدودي أثر
وآني كل يوم بدرد
والعتب لا ما يفيد
بس أكلك
خلي تعرف
آني غيرك ما أريد
يله جيتك
ولعنت ايام عمري ,,, السودنني
وفاركيتك
وعرفت محّد يعوضني حنانك
لو جمالك
وذكريتك
يلي بين ضلوعي تسهر
يلي بالشريان تجري
يل بعت نفسي بخساره
وشتريتك
مع بالغ الود لسيدة النبع على البوح الجميل
ضاعت الأيام مني
والوجع ما بعد عني
ضيعت حتى الكلام
وأنت بضلوعي تنام
غير حبك ما أريد
وأنتظر يوصلني صوتك
من بعيد
من يفرحني ويگلي آني جيت
الصبر ما عاد ينفع
واللي ضاع أشلون يرجع
مدري إنت اللي بچيت
مدري آني اللي بچيتك
مدري إنت اللي أشتريت
مدري آني اللي اشتريتك
يابعد عمري فديتك
آني چيتك
يا بعد روحي وعمري
شكد تنيتك
والصبر صاح ونزف
هو لبحالي عرف
شكد هويتك
والگلب كلسع يون
ويه كل نبضة يحن
والحزن خيم بصدري
ما دريت انت متدري
من تگلي
يا بعد عيني نسيتك
آني جتيك
أرد أكلك
أبد والله ما نسيتك
رد: آني جيتك
العرض المتطور
