دارميات عراقية 4

نكعد سوية بليل ونحجي قهرنه
نتذكر اللي صار ونذكر صبرنه

فرَّحني الغربيل مـــن غربل هواي
خلاني كلش زين اعرف منو وياي

خلاني كلش زين اعرف شنو الصار
كالولي هزي هواي داير ميندار

كالولي هزي هواي واشوية أقوه
ما يبقى بس الزين والعنده نخوه

ما يبقى بس الزين والعنده غيرة
والوكع خلي يروح هو وضميره

اقتباس: المشاركة الأصلية كتبت بواسطة عواطف عبداللطيف     ما يبقى بس الزين والعنده غيرة والوكع خلي يروح هو وضميره

لا تنشد اعله الراح واسأل عن الجاي

انخطف لونه وتاه من عقله كل راي

اقتباس: المشاركة الأصلية كتبت بواسطة عواطف عبداللطيف     كالولي هزي هواي واشوية أقوه ما يبقى بس الزين والعنده نخوه

ما يبكه بس الزين بهالدنيه يهواي

امش بصدق وياه تلكه الفرج جاي

اقتباس: المشاركة الأصلية كتبت بواسطة الدكتور اسعد النجار     لا تنشد اعله الراح واسأل عن الجاي انخطف لونه وتاه من عقله كل راي

انخطف لونه وتاه وعينه على الباب
حسبالي يوفي وياي بس طلع جذاب

اقتباس: المشاركة الأصلية كتبت بواسطة عواطف عبداللطيف     انخطف لونه وتاه وعينه على الباب حسبالي يوفي وياي بس طلع جذاب

حسبالي يوفي وياي بس طلع بد ذات

لا صدك لا اخلاص راواني آهات

لا صدك لا اخلاص لا حجاية حلوة
حسبالي اعرفه زين بس طلع بلوة