دارميّات عراقية 1

وين اهلي وين هواي ,,,,, ,,,,وين لنحبهم
شالو بعيد بعيد ,,,,,,,,,,,,,,, والكلب عدهم

شوف اشكثر بذات ذاك الاحبة... جايبلة ماي العين ومن ايدي ذبة

اقتباس: المشاركة الأصلية كتبت بواسطة عمر مصلح     شوف اشكثر بذات ذاك الاحبة... جايبلة ماي العين ومن ايدي ذبة

زين انت ذب الماي وبارد احساسه ... جدامي يابن الناس ابرجلة داسة

شامت و گف عل الباب حاير شـــــگله
أرتجي إعله المكســــور لو دمعي إهله

اقتباس: المشاركة الأصلية كتبت بواسطة سولاف هلال     شامت و گف عل الباب حاير شـــــگله أرتجي إعله المكســــور لو دمعي إهله

إرتچي إعله المكسـور حيل إردس الـگاع
بالك تذل جدام شماتك إبســـــــــــــــــــــاع

عاندت كل الناس كلتلهم إنتَه
تالي طلعت بذات والگلبي عفته

تالي طلعت بذات ,,, خنت المواعيد
تجمع حطب عالنار ,,,, متكلي شتريد

كالو تريد اتروح واتعذب الروح
امودع الله اوياك بس ابقى لتروح

يالردت عني تروح روح بسلامه
بس عدنا راح يصير يوم القيامه

سُـودِ العْيـُونَ اكْبـارْ والحَلـِگْ مِحْبـَسْ
ويْسِتـْرَه ربِّ الكـُونْ لـوْ دَلـَعْ يلـْبـسْ