الموّال / مواويل

الموّال / مواويل

ليضع كل من يتمكن من الأعضاء موالا هنا ولينسبه إلى شاعره وليشرح الكلمة التي تأتي في نهاية السطر


أعرف شْما باللبن وآني الذي دايره = صببْتُه

واعْرف اطْواره القديمه والذي دايره = حاضرة

ما يظلّْ بيتْ عْلى وضعه مرتكز دايرة= دائرة

يمعوّد احسبْ حسابك ولـْخيالك بطل = لا تأخذ به

عَهْد السحرْ راح بانْوار الحقايق بطل = انكشف زيفه

لتْأمِّـن مـِن الزمنْ حتى لـونـّك بَـطل = شجاع ، بطل

تاريخ كشـّاف وادْوار الفلك دايره= تدور

المرحوم عبد الحسين أبو شبع

انته العراق الابي مااضن مثلك وطن=الوطن

حبك ثكل بالكلب وزنات صار وطن=الوزن

وهامات علو النجم كلها لترابك وطن=أنحنت

صولات الك تنذكر والدول عدها علم=معلومة

الجولان تشهد الك بيها انته رافع علم=راية

مدرسه لكل الدول انته حضاره وعلم=معرفة

حتى بمنامي احس همسات صوتك وطن=استقر


الشاعر سعد الربيعي

ما للبن للبن والباقي ذب بالماي___________ الماء
كله أجت تفخر علي وادوسني بالماي ______ ألمي
أشطوط عدنه أشكثر شاله بها بالماي______ زورقي
يا حيف جانت إلي كلّها زنود وظهر______ سند
تستر علي زلتي لو يوم عيبي ظهر_____بان
من حشمت ها طحت منهو أنتخالي الظهر____ النهار
جي لنهم أتفرقو وأحزابُهم بالماي_________ بالمئه

كريم السراي

وين الرفاكَه الجنت أونّلها كبل ونها = أنينها
فاركـتْ لـمّنْ كَـضـتْ غـاياتـها ونـْـها = أوانها
لا زلِـتْ أزجـرْ بْـروحي الهايم وانها = أنهاها
مـا أكـدرْ لْـــها وانـي عَلــيـها مَـلِـحّْ = لا ألـحّ
أبـجـي والعيون مـن سيل الـمدامع مِلِح = مالحة
أنـكروا فـضـلي ولا غـزّرْ وْيـاهــم مِـلِـح = المِلْح
يكْلون للـزاد ْ حـوبـه حـوبـته وَنْـها = أين هي

المرحوم عبد الحسين أبو شبع

السلام عليكم وبما ان الشعر الشعبي هو ملح الزاد
فاليكم مما نظمت سابقا

يا صاح طولك حلو سابيلي ذنــــــــي وذن ـ ـ ـ ـ ـ ـ ـ ـ الاشارة للقلب والعينين
وأوصاف ما تنعسل أكصن بكلبــــــي وذن ـ ـ ـ ـ ـ ـ ـ ــ من الإيذاء
ترعى بسويدا الحشا منهو الــ فتالك وإذن ــ ـ ـ ـ ـ ـ ـ ـ مأذونية

وتخلي شوكي فضح دمعات عل الخد جرن ـ ـ ـ ـ ـ ـ ـ ـ ــ جريان
وسنين عمري غفل برياك يـــاشكر جرن ـ ـ ـ ـ ــ ـ ـ ـ ـ جري
عود آنه مثل الخلك هميت أحط لــي جرن ـ ـ ـ ـ ـ ـ ـ ـ ـ ـ قرن
وأنّوب عكب الجـــــــرن رديت أذنِ وأذن ـ ـ ـ ـ ـ ـ ـ ـ ـ ـ ـ أذن

أحب صوتك واحب للعود دكات (نغمات)
وزماني شلون إلة وياي دكات (مصائب)
وخلص كلبي وماظل بعد بيه دكات (التبض)
وترد روحي من يمر اسمك عليه

الحاج زاير(1)

يـا شمخي اليـوم مـا تـدري أبدمعـي اللهلـه (2)
و انتـو التـهـلـون مـنكـم ما سمعنـه الهلـه(3)
و هـلال سعـدي عـليـكـم بالتجـافـي هلـه(4)
چـنتـم بـعيـدين واعلـه البـال شطـراكـم (5)
و النـاس كـلهـا تـروي ابفيـض شطـراكـم(6)
إيصـير اليجيـكـم يزيـد ايشـوف شطـراكـم(7)


حـاير اتخـلـوه مـا يگـدر يـرد الهلـه (8)(9)

=-=-=-=-=


(1) الحاج زاير : هو ابن علي بن جبر الدويچي ( 1277 ـ 1329 هـ ) ولد في النجف وتوفي فيها ، كان من شعراء اللهجة الدارجة المشهورين من آثاره : ديوان الحاج زاير

(2) شمخي : اسم علم مذكر .
الهله : من هل الدمع إذا جرى .
(3) الهله : من اهلا للترحيب .
(4) هله : من من هل الهلال إذا ظهر وبان .
(5) شطراكم : مخففة أي شيء أطراكم .
(6) شطراكم : من الشطر بمعنى الشق أراد بها النهر .
(7) شطراكم : اراد مدينة الشطرة في جنوب العراق .
(8) الهله : من الأهل .
(9) ديوان الحاج زاير : 158 .

أشـچـي غـرام الـهـوه لـهـل الـهـوه منهـا(1)
والنـاس مـثگـال مـا يـصفـي بـعـد منهـا (2)
رُبـع الـفـلا اتفيـد شنهـو الظـل عـلي منهـا(3)
جـربتهـم مـا حصـل منهـم لطبعي ولـف(4)
حبل الوصل گـطّعوا واطـويه بيـدي ولـف (5)
لازم سجيـت الربـع كل يـوم تـرفج ولـف (6)


يا صلـف العيـون عينـك ما تـذل منهـا (7) (8)

==


(1) منها : مخففة من أين هو ؟ والضمير يعود إلى الغرام .
(2) مثگال : محرفة مثقال وهو وحدة وزن .
منها : من المن وهو وحدة وزن .
(3) منها : مخففة ما انتهى .
(4) ولف : من الموالفة بمعنى الموافقة .
(5) ولف : من لف الشيء إذا ضمه وجمعه .
(6) ولف : محرفة الف بمعنى أنيس .
(7) منها : جار ومجرور والضمير يعود إلى العين .
(8) ديوان الحاج زاير : 159 .

الملا عليوي : هو عبد الحسين الحلي

ويـن الرفاگـه الـذي عـد نخوتـي أيفرعـون(1)
بسيوفهـم بـالوغـه أچـيود العـده ايفرعـون(2)
لـو عـون نـاظر فعلهـم بالحـرب فرعـون(3)
ايـحگـلي عليـهـم لنـوح أو عـالليـالي المضـن(4)
إو لـو لجـت شرگ او غـرب الگـه مثلهم مضـن(5)
گـلنه المضن بيـك لاچـن مطـلعـت عـل مضـن(6)


ردتـك إلـي عـون تـاليـك إطلعـت فرعـون(7)

=-=-=

) يفرعون : من الفرع بمعنى شعر المرأة والعامة تستخدمها بمعنى الحسر وكشف الرأس .
(2) يفرعون : من تفرع الشيء إذا تشعب .
(3) فرعون : مركبة « فر + عون » فر بمعنى انهزم وعون اسم علم للمذكر .
(4) المضن : مخففة التي مضين بمعنى ذهبن .
(5) المضن : أصلها ما أظن خلاف اليقين ، كتبت بالضاد للجناس .
(6) عالمضن : مخففة على المضن ، من الضنين وهو موجبة التمسك بمن يتمسك باخائك .
(7) فنون الأدب الشعبي 2/ 60 .

فنون من الموال

قد يتفنن الشاعر فينظم الموال كما في غيره خاليا من حرف الشفة(1) فيقرأ من أوله الى آخره دون تلتقي الشفتان أبدا ومن ذلك قول هادي القصاب(2) :
يحسـيـن حـيـن الـيشـد الـزايـر الراحلـه(3)
نيتـه لعـد حضـرتك يگـصـد يجـد راحلـه(4)
حيـث إنتـه سايـاته اتحتـها او تـرد راحلـه(5)
يـا سعـد حظـه الـذي رايـات الـك يـرهـا (6)
شـانه اعلى شـأن اليـحـج يـا سيـدي يـرهـا(7)
رايـه الحـاجـات عنـدك كـل شخـص يـرهـا(8)


جنه ضريحـك لچـن يحظـه الـذي راحـلـه (9)(10)

=-=-=

1) حروف الشفة عند أهل التجويد ثلاثة : الباء ، الميم ، الواو المفتوحة ، وهي التي تعتمد على انطباق الشفتين .
(2) هادي القصاب : هو ابن عبد بن هادي العباچي ( 1340 ـ 1401 هـ ) ولد في النجف وتوفي بها من الشعراء الناظمين باللهجة الدارجة من آثاره ديوان شعر باسم « الهداية الحسينية » .
(3) الراحله : القافلة .
(4) الراحله : أصلها الراحة اله ، من الراحة .
(5) راحله : أصلها روحه له أي ترجع له الروح .
(6) يرها : محرفة جرها من الجر بمعنى الانقياد .
(7) يرها : من الرهو بمعنى العلو .
(8) يرها : مخففة يراها بمعنى ينظر إليها .
(9) راحله : أصلها راح اله من راح بمعنى ذهب .
(10) ديوان الهداية الحسينية : 6 .