كلشي راح!!!

كلشي راح!!!
\
يسألوني شكو ماكو
وآني أسكت ما أردْ !!
بس أباوع من بعيد
كلشي راح !!!
غيروا حتى الزمان
ضاع كلشي الچان يسوة والأمان
جانت الضحكة بوجهنا
والفرح مالي دربنا
كلشي راح!!!
والتراب صار نار
والمدافع هي تحچي
كله تفجير وقنابل
ومن الخوف
ترجف گلوب الصغار
والنهر ويانة يبچي
جففوه
كطْعوا المجرى عليه
ولو سألنه
أبد منحصل جواب
والشعب ضاك العذاب
شتتونه
بهذلونه
ماكو عيلة بفد مكان
هجرونا للبعيد
والله ما أَدري شَرِد
وشنهو الأگول
خلطوا الحابل بـ النابل
ضيعوّ راس الشليله
دوخَوَّ حتى الگمر
والوطن همه چبير
مـدري أدواي نزف جرحي
مـدري أبجي من أشوف الدمع يجري فوگ خده للفقير
والغدر كل يوم يكثر
باعوا برخص الفلس حتى الضمير
شراح أسوي بگلبي يُمه أشلوني بي
لما يشتاق لأهلنه
وللديار
أبد ما يبطل ونينه
ومن تشب النار بيه
تشوبح الروح بذكرهم
آه ... يامحلى شمسهم
آه ...يامحلى گمرهم
آه... وحرّكني الحنين
للتمر مال النخيل
هذا برحي وذاك سُكرْ
ولهَوَة دجلة العليل
ولوجوه الطيبين
والصبر
ما عاد ينفع
ما تِحَمل شگگ هدوم العليه
وصار يصرخ
بعد كافي!!!
طالت الفرگة علينه
والحجي لا ما يفيد
روحي ملهوفة وحزينة
والفرح ضاع من إيدينه
يُمه أترجى السماح
كون بيدي الليل أخليه ينتظر
وما يُمر اليوم بينه
ونتِجَمعْ من جديد
كلشي راح!!!
بين طيات السنين
وعلى شفتي ما بقى بس المرار


\
5\6\2012

فداكِ الروح يا أمـــي
ما أبكاني على هذه الأرض إلا جرح الوطن ودمعكِ !!
لقلبكِ إشراقة وأمـل وكل حبي

أضحينا كلنا شتات يا غاليـة
فالجميـع بالهــمِّ الأوحد
نجدف بقارب يتيم
ربما نصل يوما ما لبر الأمان والطمأنينة

أراح الرب قلبك وجمع شملك قريبا مع كل أحبتك
إنه سميع مجيب

أرق المنى

ربنا موجود
وهو المعين
شكراً استاذتي

سيدتي الفاضلة

اعانك الله والهمك الصبر فهو زاد المؤمن

الله بالقرآن كال اصبروا والصبر بيه انشراح

والمثل بالمجتمع موجود وتنثرة الرياح

مايصح الا الصحيح والغلط لابد يطيح

والعراق يظل منارة وبهلة يشعر بارتياح

اسمحيلي على هذه الثرثرة
ودي واعتزازي

والله من تقراني ,, تلكاني توابيت
احتظار
آنه جدي ,, الرسم بالفاله خريطه بظهر محتل
الديار
وذاك ابوي ,, بتربة القدس الشريفه , جعل من قبره
منار
وهذ اخوي,, الطاح بالشعله شهيد , وداست الدبابه
صدره ,,, ونزف
نار
ومن تكشّف روحي ,,, تلكاها جراحات الحسين بيوم
ثار
نص يقطر الما سيدتي
اسعدني التواجد
ابدعت

اقتباس: المشاركة الأصلية كتبت بواسطة أمــل الحداد     فداكِ الروح يا أمـــي ما أبكاني على هذه الأرض إلا جرح الوطن ودمعكِ !! لقلبكِ إشراقة وأمـل وكل حبي

سلمك الله ابنتي الغالية من كل شر
وحماك
وجفظك لنا ولعائلتك
قبلة على جبينك
محبتي

اقتباس: المشاركة الأصلية كتبت بواسطة ديزيريه سمعان     أضحينا كلنا شتات يا غاليـة فالجميـع بالهــمِّ الأوحد نجدف بقارب يتيم ربما نصل يوما ما لبر الأمان والطمأنينة أراح الرب قلبك وجمع شملك قريبا مع كل أحبتك إنه سميع مجيب أرق المنى

شكراً لكِ
شكراً لقلبك
صباحك يرفل بالخير
محبتي

اقتباس: المشاركة الأصلية كتبت بواسطة الدكتور اسعد النجار     سيدتي الفاضلة اعانك الله والهمك الصبر فهو زاد المؤمن الله بالقرآن كال اصبروا والصبر بيه انشراح والمثل بالمجتمع موجود وتنثرة الرياح مايصح الا الصحيح والغلط لابد يطيح والعراق يظل منارة وبهلة يشعر بارتياح اسمحيلي على هذه الثرثرة ودي واعتزازي

ليس لي بعد أن قرأت حروفك النقية
سوى القول
ياااااارب
دمت بخير
تحياتي وتقديري

اقتباس: المشاركة الأصلية كتبت بواسطة جودت الانصاري     والله من تقراني ,, تلكاني توابيت احتظار آنه جدي ,, الرسم بالفاله خريطه بظهر محتل الديار وذاك ابوي ,, بتربة القدس الشريفه , جعل من قبره منار وهذ اخوي,, الطاح بالشعله شهيد , وداست الدبابه صدره ,,, ونزف نار ومن تكشّف روحي ,,, تلكاها جراحات الحسين بيوم ثار نص يقطر الما سيدتي اسعدني التواجد ابدعت

لا اعرف بماذا أرد
وحروفك جاءت لتنبش في الذاكرة الكثير
وتزيد الوجع
أستغفر الله العظيم

أسعدني ألق المرور
دمت بخير
تحياتي