لونك بالحياة تريد .... تبكه كل وكت فرحان
ماريد الفرح خيي .... انريد اشويه أمان
روح لأمكاتعنه ......... توخر عنك الأحزان
ودعت امي يا خوي ... والناس ملتمه
ودون شعوري صحت ... اودعج يا، يا يمه
ـــــــــــــــــــــــــــــــــــــــــــــــــــــــــــــــــــــــــــــــــ
اكصد أمك وباوع . ........ عليها شلون مرتاحه
ادعي ربي الخالق ........ روحها عنده مرتاحه
بكلبها دوم تدعيلك .... حبها ورد بالواحه
راح ذاك الوكت ........... راح الورد وافراحه
ترجع منشرح منها ............ وكلبك يعلن أفراحه
الله يديمك يا اخي ........... ما ظل ورد بالواحه
تفرح من يجي طاريك ..... وهيه النورللأزمان
غسلت اوجيهي ابدمع ... ظليت اني حيران
ــــــــــــــــــــــــــــــــــــــــــــــــــــــــــــــــــــــــــــــــ
نياله العنده ام ياناس .... هيه الذهبالمصفه
لما صرت ابعيد .... حسيت خيي بالعفه
توكف الك بالشدات ... وتبكه لازمه الدفه
نعم جانت تحمينا .... جنا نشعر ابخفه
تبعد عنك الآهات ........ بحجيها تزهر العفه
جانت تبعد الاهات .... زرعت بينا العفه
يله اكصدها خي ابساع ... ابدا لاتظل حيران
الراح ما يرجع بعد .... نحتمي ابرب الاكوان
ــــــــــــــــــــــــــــــــــــــــــــــــــ ـــــــــــــــــــــــــ
علكنه شموع يايمه ...... بعيدج والكلب مسرور
شيفيد يا ابن عمي .... راح واختفا النور
غنه الطير ويانه ...... بعيدج ماكو شي محظور
يمه يا بعد عيني .... ابلادنا اتحولت اكبور
صواني الفرح خلينه ... ماظل شي بعد مستور
يا ريت اتشوفي البلد .... مابيها واحد مسرور
يمه انت شمعتنه .... وانت زهوة الغفران
رحتي واشبعنا قهر .... جيران يقتل جيران!
اخوك ابن العراق الجريح : صلاح الدين سلطان
عيد الأم
العرض العادي
المواضيع المتشابهه
