صعبة أحچي

صعبة أحچي
\
صعبة احچي
والحچي صاير صعب وهواية
مدري جرحي اللي صعب
مدري ليش الحظ عكس وياية
ومدري ليش الصبر يهرب
خاف داخ من الحچي لو عنده غاية
مدري إنتَ اللي بچيت
مدري آني اللي بچيتك
مدري تاهت بالدرب الحچاية
شرد اكلك گلبي مات من الوجع وبكل كُتر سلاية
مانه صوجي
صوجك أنت
وانت تدري اشكد يحبك
صرت بيديهم مثل لهَّاية
الطفل يذرع شوارع
حتى ديوكل أخوته
وهو من كثر التعب
گام يتوچَّة على المشاية
واليتيمة هناك تصرخ
أرد أعيشن
أرد أبوية
يمة آني شكثر متأذاية
والجرح صاير يلولي
وأحنة ما عندة سكف
والزمن قاسي علينا
كلشي باگوا من ايدينا
ضيعونا وضيعَّوا لولاية
ضاعت احلام السنين
بالبچي وية الونين
وكلشي جان الزين بينا من الوجع راح اندفن
والعمر ماله ثمن
والشعب ما عاد يسمع
والچذب ما عاد ينفع
صعبة بعد اليوم يهجع
والشوارع كلها تغلي
والوطن صاير مثل شواية
دمعة الجوعان صعبة غركَّت كل الجرايد
وصرخة الشبان تحرك والزمن چان إلها شاهد
ها ياخوتي
ها خواتي
يالله دنصوغ الكلايد
بالخطب ويه القصايد
نرسم الخير لوطنه
يالله نوكف وي شعبنه
ونرفع إيدينه سوة بالراية



\
15\8\2015

الله الله
طيب الله أنفاسكِ
ترانيم حرفكِ لها صدى عجيب
تلامس المشاعر وتغوص في الأعماق
وتلج القلوب من أوسع أبوابها
حفظ الله عراقنا ويسر لنا بعد عسر طويل
إنه قريب مجيب

بوح صادق يلامس القلوب

ويعانق الأرواح

مودتي وتحياتي

اقتباس: المشاركة الأصلية كتبت بواسطة حنان الدليمي     الله الله طيب الله أنفاسكِ ترانيم حرفكِ لها صدى عجيب تلامس المشاعر وتغوص في الأعماق وتلج القلوب من أوسع أبوابها حفظ الله عراقنا ويسر لنا بعد عسر طويل إنه قريب مجيب

آمين يارب
لك شكري بنتي الغالية
ومحبتي

اقتباس: المشاركة الأصلية كتبت بواسطة الدكتور اسعد النجار     بوح صادق يلامس القلوب ويعانق الأرواح مودتي وتحياتي

شكراً لعبق مرورك
دمت بخير
تحياتي وتقديري

واليوم ياأختي الشعب شال الرايه

عسى الله نخلص ونرجع لديرتنا

وترجع الدنيا بخير والناس والولايه

نبض عراقي شعبي يحملنا لمعانقة الوجع مليا شاعرتنا الراقية عواطف عبداللطيف

تحياتي

اقتباس: المشاركة الأصلية كتبت بواسطة قيس النزال     واليوم ياأختي الشعب شال الرايه عسى الله نخلص ونرجع لديرتنا وترجع الدنيا بخير والناس والولايه

نعم يا أخي العزيز الشعب شايل الراية وينتظر الفرج
تقبل الله دعواتك

دمت بخير
تحياتي

اقتباس: المشاركة الأصلية كتبت بواسطة عادل سلطاني     نبض عراقي شعبي يحملنا لمعانقة الوجع مليا شاعرتنا الراقية عواطف عبداللطيف تحياتي

شاعرنا الكريم عادل سلطاني
تشرفت بمرورك
أبعد الله عنك الوجع
دمت بخير
تحياتي وتقديري

	أمي الحبيبة للحنين صدى رجعه بعيد يتخلل القلب بنبض يفيض عذوبة