يا جرف حن عل الشواطي
تكسرت من موجك انته
عشره من سنين تنسه
خلفت للكلب ونته
جنت اتنطر فرحتك
وين عرسي
وين حنته
راح كل تعب التعبنه
بلايه معنه
يلنسيت الوعد
وين الوعد وينه
كلت من ايام ترجع
اشصار وتغير حجينه
ما خطيت وياك مره
شحال لو احنه خطينه
رد علينه
وشوف حالي اشصار بيه
رد علينه
ردنه مره أنشوفك احنه
جا طمعنه
بلايه معنه
يلسكيتك دمع عيني
ويلشربتك
ضيم تدري
ويلي بالدنيه اشتريتك
واحد انته
الثمن عمري
وحرت بيك وحيرتني
كلبي حار وبيك فكري
حسبت
وحسابي خاب
وراسي من الضيم شاب
هاي كل الناس مثلي
كلي لو بس احنه حبنه
بلايه معنه
يا كمر
ادري انته عالي
وادري مغرور
بجمالك
ما تجاوب عن سؤالي
من سألتك انه احبك
صرت تسألني بدالي
هم تحبني
انه احبك
انه احبك
انه احبك
وانته عنك ما عرفنه
بلايه معنه
يلي حاضر ويه روحي
ويه روحك
هم حظرنه
ويلي بيك أقلامي تكتب
ترست أوراقي
وكتبنه
ولو صبغ حبري اعله غيرك
جا زعلنه
وحته كسرنه قلمنه
بصحوتي ونومي انته يمي
حته ويانه بحلمنه
اسوت الروح وتجافي
شنهي سوت ما فهمنه
بلايه معنه
شنهي زعلان وأراضي
لو دلالك
ضل تدلل
انه مذنب وانته قاضي
احكم عليه وتوكل
بس تذكر انه احبك
لو اموت وما ابدل
انته وي الروح تمشي
من شريتك
بعت كلشي
يلشريتك شو بعتنه
كلي جا شنهي ذنبنه
بلايه معنه
سوي لو شسوي بيه
ازعل انته
اجفي انته
حته لو متمر عليه
وخلي كل الناس تحجي
وخلي أتحمل آذيه
وخلي تشمت عواذل
وانته أبقه ولا تسايل
أبقه احبك
وحته لو كل الخلق كالت عليه
هذا حبه
بلايه معنه
بلايه معنه يموت حبنه
العرض الشجري