أحضانك ياوطنْ..[ردًا على (دموع وكحل) للأستاذ حسن الشمري

"
"
بفراكَك أبد ما عيّدت فد يوم

ولا مرة بغيابك ابتسم سنّي

ولا نامت عيوني براحة بالغربة

مثل مفطوم ما مرتاح ومنو غيرك يريّحني

ألف هنيال كلمن داس ذيج الكَاع

وسمع صوت الغزالي وداخل يغني

صحيح اتحملت اهموم

وخلص نص العمر اتغازل بونّي

ولو يكَظي العمر الجاي

أظل اشتاكَـ لترابك يكحّلني

يمّن حبك فرض واجب

يجي يوم واحضنك وانت تحضنّي ؟
"
"
هاجت ..
اشواكَي الشوفتك اليوم هاجت
مثل نار القيامة اعليك هاجت
ألك روحي شردت مني هجت
تريدك... كَبل لا تدنه المنية
"
"
مع تحياتي الصادقة للجميع
أمــل الحداد
في تمام الساعة المؤلمة بتوقيت الغربة