تعال ....................

تعال ..........................


السؤال


تعال وشوف حالي بدونك شلون

مثل حفنت رمل تنثرهة الرياح


عايش وسط غربة ومالي عنوان

تعب صوتي ومتت من كثر الأصياح


تعال وشوف حالي وحال العيون

من تعمة وتعاشر ضيم الأشباح


تعال وشوفني بكًد ما شفت ناس

ولك تلكًاني واحد رايح وراح


دورني بمكاني وشوف الأثار

تلكًة وشال حزني الطافح وطاح


جزة حد الصبر ما بية الفراكً

جبتهة من الزغر ها باجر ارتاح


وأجة باجر تعدة وعدت سنين

وأنة وية الزمن عركة سلاح بسلاح



الجواب


تعال جروحي غنتهة المواويل

وعلى لحن البواجي تربع العود


تعال سنيني ضلت تنزف أيام

ولهسة دموعي تركًص فوكً الخدود


أنة أباب الفرح متوسد الضيم

يفتح يوم بس سنين مسدود


على الخطوات كاتبلك دواوين

وانام الليل كلة بسد الوعود


أوديلك سلامي وية الحمامات

وتحياتي ألك وين انت موجود



تحياتي الى كل أعضاء المنتدى