دولاب الوگت

دولاب الوگت

\

تعذبنه
وتمرمرنه
والغربة تچوينه
كطعوا عن زرعنا الماي
وأحنه القطرة تروينه
أسأل والگلب مجروح
ليش الناس تاذينه
أثاري الحمى بالرجلين
وأياديهم تجيب الشوك
بس نكبر تلاوينه
حتى للشمس راحوا
ينشدوها تروح بعيد
بلكي ما تضَّوينه
وأنطر للكمر ساعات
بس يمه يخلينه
وأشكال القصص وألوان
وحجايات للشمات
تاذينه وتبچينه
صاروا للوفا عنوان
أثاري عدنة ناسينه
بنينه البيت من صخرات
وكثرنا حياطينه
جنت أنطر يكونوا العون
من حفروا بأراضينه
حسبالي الأيادي سيوف
لو مسَّوا بطارينه
بس الوگت هم دولاب
وين يريد يودينه
بعد كل اللي جرى والصار
ما مات الألم فينه
راح أبقى طوال الليل
أدعي من أصليله
على كلمن يريد الشر
ومن غدره ينجينه
\
عواطف عبداللطيف
8\10\2012

راح أبقى طوال الليل
أدعي من أصليله
على كلمن يريد الشر
ومن غدره ينجينه

آمين يا رب العالمين

كطعوا عن زرعنا الماي
وأحنه القطرة تروينه

الأستاذة القديرة عواطف عبد اللطيف
اخترت هذا المقطع لأنه يعبر عن دواخلنا فنحن لا نطمع بالكثير
قطرة واحدة من أي شيء تكفينا لكن حتى هذه القطرة عزت علينا
ما أشقانا.........
رائعة أنت أستاذتنا القديرة
رعاك الله وحفظك من كل سوء
محبتي

عنوان بليغ وفكرة رائعة

يصاح وهالوكت جاسي

حتى انسينة أساامينه

بيه الجذب عالي الشان

فساد وذل طغى علينه

أصلي وادعو رب الكون

برحمته الواسعة علينه

من كل فاسق وغدار

يخلصنة وينجينه

تحياتي

رائعة جدا وهذه اللهجة جعلتها محببة وقريبة من القلب
تحياتي لروحك ماما الغالية

بدي اياها مع الترجمة~
محبتي

هذا الوكت يا حبيْبه
جوانا وبيه تكلينا

ناره بالقلب تسعر
وشنو اللي طاح بيدينه

شكلج يخيه لو تشوفين
بحال الضيم أثارينه

نعيش اليوم باللحظات
وما ندري شيجي علينه

عذراً غاليتي روح النبع أثارني هذا الشجن

مبدعة

احترامي وتقديري

اقتباس: المشاركة الأصلية كتبت بواسطة عواطف عبداللطيف     دولاب الوگت \ تعذبنه وتمرمرنه والغربة تچوينه كطعوا عن زرعنا الماي وأحنه القطرة تروينه أسأل والگلب مجروح ليش الناس تاذينه أثاري الحمى بالرجلين وأياديهم تجيب الشوك بس نكبر تلاوينه حتى للشمس راحوا ينشدوها تروح بعيد بلكي ما تضَّوينه وأنطر للكمر ساعات بس يمه يخلينه وأشكال القصص وألوان وحجايات للشمات تاذينه وتبچينه صاروا للوفا عنوان أثاري عدنة ناسينه بنينه البيت من صخرات وكثرنا حياطينه جنت أنطر يكونوا العون من حفروا بأراضينه حسبالي الأيادي سيوف لو مسَّوا بطارينه بس الوگت هم دولاب وين يريد يودينه بعد كل اللي جرى والصار ما مات الألم فينه راح أبقى طوال الليل أدعي من أصليله على كلمن يريد الشر ومن غدره ينجينه \ عواطف عبداللطيف 8\10\2012

الله الله.. راح أبقى طوال الليل
أدعي من أصليله
على كلمن يريد الشر
ومن غدره ينجينه
ــــــــــــــــــــــــــــــــــــــــــــــــــ ــــ

نجاكي الله من كل شر وسوء يارب اميرتنا

امواج متلاطمه من العواطف سيدتي
اسعدني التواجد
ونتواصل

شكراً لكل من مر من هنا
شرفني وأسعدني ذلك
متمنية لكم التوفيق
محبتي