ديرة , بطيخ

ديرة بطيخ
ديرة البطيخ : هوره,, وما يمر بيه
القطار
والطيور تنومست بالليل ,, من مات
النهار
واللصوص تحزّمت باستار كعبته وبعد
متخاف من رب
الديار
لبست وجوه الخجل ,, جوّ الجفافي
وصار قاموس الدجل الهم
شعار
عثرت الجلمات ,,ولسان الصدك صار
انتحار
رجع هارون القديم,, يقود ربعه
اوشهريار
تعبت شفاف السوالف ,, صار فلاح
الشلب يزرع
خيار
اكلت سنون المناجل ,, أيد حاصده الغفت
بالانتظار
والنخل ودّع صواعيده ,, وهجر جرف
الانهار
تركت التوقيت ,, واصوات المآذن ,,والربع
صلّت عله ,, صوت
انفجار
والمنايه مسودنه ,,ودارت قراهم دار
دار
سولفولي عليك ,,, لكن
باختصار
وجمعت كل المواويل بسلفنه
ولعنت كلمن ركب دينه,,, سفينه
وشتره كرسي بدواوين الحكومه اوصار يخطب
باقتدار
وين رغفان الشعير ؟ وين ابونه :
الما يبات ابيته درهم ,,وين صاحب
ذو الفقار؟
صار دولاب الوكت يفتر ,,عكس
اوطلعت نجوم الظهر,,, ويّ السعيلو
اوطنطل الديره رجع ,,ياكل
زغار
وسولفولي يا وطن لكن ,, شكول
العظه طلعت,,,,,,, بالجلال
الذيب يذبح بالقطيع ,, او احنهّ دنجمّع اصوات وننتظر منه
انتصار
والسوالف ما تفيد الماله وي دهره
اختيار
الاخوه شعراء الشعبي يسعدني مروركم وتصويباتكم
فقد ادمنت الفصيح

بورك يراعك ايها المبدع لهذه الصور الجميلة

وجمالها جاء من واقعيتها وصدق بوحها
ودي واعتزازي

وين ايام البساطه
وين اهلنه ,, المنهدم الهم,, جدار
ولا شكه منهم ,,,جوار
ذوله اهلنه بيوم صار الخبز ذلّه
لفو التمرات بكشور ,,, الخيار
اسعدني مرورك دكتور
ودي ونتواصل

أيام راحت...
بقى الحنين ...والقهر
ربنا ينتقم منهم !
روعة أستاذ جودت
عاشت إيدك

الاخت امل
احييك
واشكر لك هذا المور العذب
ونتواصل

ضاعت سنين العمر
وضاع من عدنة المسير
وتاه من عدنة القطار
والشمس ضيعت دربنا
ما ننام
نبقى ننطر
بلكي تطلع بالنهار
ضيعونا كلشي ضاع
ضاع ذاك ال چان يزهي
وبثواني!!
ما بقى بس المرار

المعذرة لحروفي كما جاءت وأنا أقرأ مرار الواقع
دمت بخير
تحياتي
ننطر

سيدتي المبدعه ,, عواطف
مساؤك الشعر والحرف الرقيق
اليك بعض الحروف من قصيدتي الجديده وهي لا تزال في تنورها
واتشرف بعرضها عليك قبل ان ترى النور
حيل بينه
احنه جبناها لنفسنه,,,,,, وما
درينه
من زرعنه النار,,,,,, تاليه
انجوينه
حييييل بينه
صار دولاب الوكت,,,, يفتر
علينه
لأن سلمنه ,, ,,,,, مفاتيح المحبه
وامنينه
وبالعجل صارت سوالفهم ,, سفينه
وصدكينه
ولان ما عدنه تجارب!! ,, عثرت الخطوه
وتورطنه
وهوينه
جنه مرتاحين,,,, ويمر الوكت ,كسلان
سبحه , وطوع
ادينه
يسعدني تواجدك في نصوصي دائما
فعسى ان يجعل الله القوافي جسرنا الدائم ,, لنتواصل

اقتباس: المشاركة الأصلية كتبت بواسطة جودت الانصاري     ديرة بطيخ ديرة البطيخ : هوره,, وما يمر بيه القطار والطيور تنومست بالليل ,, من مات النهار واللصوص تحزّمت باستار كعبته وبعد متخاف من رب الديار لبست وجوه الخجل ,, جوّ الجفافي وصار قاموس الدجل الهم شعار عثرت الجلمات ,,ولسان الصدك صار انتحار رجع هارون القديم,, يقود ربعه اوشهريار تعبت شفاف السوالف ,, صار فلاح الشلب يزرع خيار اكلت سنون المناجل ,, أيد حاصده الغفت بالانتظار والنخل ودّع صواعيده ,, وهجر جرف الانهار تركت التوقيت ,, واصوات المآذن ,,والربع صلّت عله ,, صوت انفجار والمنايه مسودنه ,,ودارت قراهم دار دار سولفولي عليك ,,, لكن باختصار وجمعت كل المواويل بسلفنه ولعنت كلمن ركب دينه,,, سفينه وشتره كرسي بدواوين الحكومه اوصار يخطب باقتدار وين رغفان الشعير ؟ وين ابونه : الما يبات ابيته درهم ,,وين صاحب ذو الفقار؟ صار دولاب الوكت يفتر ,,عكس اوطلعت نجوم الظهر,,, ويّ السعيلو اوطنطل الديره رجع ,,ياكل زغار وسولفولي يا وطن لكن ,, شكول العظه طلعت,,,,,,, بالجلال الذيب يذبح بالقطيع ,, او احنهّ دنجمّع اصوات وننتظر منه انتصار والسوالف ما تفيد الماله وي دهره اختيار الاخوه شعراء الشعبي يسعدني مروركم وتصويباتكم فقد ادمنت الفصيح

الأستاذ الشاعر جودت الانصاري

عذب هو حرفك

دمت مبدعا ورائعا

لروحك مني ألف تحية وألف سلام

مرحبا استاذ حسن
لا يزال المكان يعبق بعطر مرورك العذب
اسعدني تواصلك اخي
فشكرا