الأبوذية

زماني بفركتك حزين .. حزنه
وعلى كل الحزن والنوح .. حزنه
تعال على الدليل وشوف ..حزنه
مغيم ما صفة ومخبوط ميّه

وصل مكتوب ولفي ورجيته

على حالي عذولي ورجيته

هذا الامليته والرجيته

طحت آنه يولفي بهلهبيه

تعيّرني بحنو الظهر ,,, ,,,,,,والشيب
بسني لطحن الفولاذ,, ,,,,,,,وا شب
مثل شبة ابو سرحان ,, ,,,,,لو شب
ولا تعبت جدامو من السرى

قديم

هله بالشاد وبريه == علفراك
لاهيمن واكطع البيده == علفراك
وعسنه الأسس الفركه == علف رك
ببحر غميج ما ينجاس ميه

هذه سمعتها في سامراء

هله ومية هله ومية ,,,,, ,,,,,,هلاوين
وطبع ما نسأل الخاطر ,,, ,, هله وين
نحب الجاي ونكله ,,,,,,,,,,,, هلاوين
بوسط العين نبنيلو ه اطناب

قديم

كل الخلك بيه اشكثر لاميت

مريض وانتظر ملكاك لاميت

لاحي أنه بحبك طحت لاميت

متكلي هواك اشعمل بيه

الكلب من كثر هجرانك ,,,,, ولم بيه
اطشّر هم ال بصدري ,,,,,, ولم بيه
اذا كلبك كلب حيه ,,,,,,,,,, ولا بيه
مروّه احسنلك اتدفنه بهبيه

احبابنه شلون حالتكم..بَعدنه
شبيدينه و الدهر عنكم..بعدنه
اذا انتو نسيتونه..بعدنه
بذكركم كل صباح و كل مسية

الف وسفة الوكت عنك .. بعدني
اموت وارتجي وصلك .. بعدني
تراني على العهد باقي .. بعدني
ويضل هذا العهد للموت بيه

ليل نهار كلبي يون بعداك

مرمرني الهجر ياحلو وبعداك

عسى كون المرض لابيك بعداك

وتظل سالم ونتهنه سويه