يعطر الورد والعنبر .. وطيبه بضوه اعيونك اشد جرحي .. واطيبه عندي الكون ما يسوه .. وطيبة تسوه الكون والدنية سويه
تغيب الروح بغيابك واردها كتاب جفاك من عندك وردها روحي بفركتك يذبل وردها شمس انت وتنور الدرب ليه
عبرت اشطوط لجلك آنه ونهار وني ابكل وقت ابليل ونهار كا اللي بنيته انهدم ونهار وانت السبب يلي خنت بيه
الك حاجب شوصفنه ولك عين ولك بسهام ترميني ولك عين ولك هوّد ولك بطّل ولك عين ولك مو دوم تتمرجح عليه
منهو اللي علي دلك وحالك ومنهو الوهدنك بالحب وحالك انظر ياترف حالي وحالك احنه بلألم كنه سويه
تلوج الروح يا أحبــابي وراكم وعجاج الضعن سد عيني وراكَم يدمرني الحلم بيكم وراكم ويريت الحلم واليقــضه سويه
الك حب بدليل احشاي ماضي يمن ميدان الك بالشعر ماضي وكل شعرك يضاهي شعر ماضي أحبك يلي تملك شاعريه
گبلگم ما أكو وماكو بعدكم ما كلنه أحنه لعريضي بَعدكم السهر والشوگـ ولزايد بعُدكم ياهو لينحمل كلهن أذيه
حبيبي سيف لحظه علي سله أخذ روحي ولعند الكلب سله كل درب المشيته بيه سله وهاي الناس بس اتلوم بيه
وحگ اعيونك ورسمك وداعك وحگ جلماتك الحلوه وداعك يصاحب فرهَد ابروحي وداعك انتلف ثلثين والباقي باذيه
رد: الأبوذية
العرض العادي
