مصر ارض ونيل وهرم
اهل نخوة واهل كرم
ناس بسيطة وطيبين
مش حكومة او رئاسة
او وزارة او سياسة
ولا اهل كفر واهل دين
مصر مركب في قلب نيل
سميط بجبنة وشاي تقيل
مصر قصر وفلتين
و بيت صغير حبتين
ضحكة حلوة
واحلى غنوة
نسمعها واحنا صغيرين
ولما نكبر
نفهم اكتر
ان مصر مش بس كلمة
نقولها واحنا فرحانين
مصر حالة من الهيام
عشق وطن ومش كلام
حب عايش من سنين
مصر طاهرة من أذانا
اكيد هتنضف من بلانا
وتبقى احسن وتبقى احلا
وتنصر كل المظلومين
مصر
العرض العادي
