حرمت كلشي أنا غيرك / مو حلال

أنا جيتك لا تردني
اشتريتك من بعتني
منتظر كل عمري كله
كلمه منك
أنا احبك / سمعتني

وخلص كل عمري انتظار
أنتظر منك قرار
ما صدر منك قرار
لوعتني !!!

شكثر عيني دموع صبت
شكثر ليك أيام مرت
صارت سنين وسنين
ما شفت
منك حنين
بس عذابات وأنين
يلي ردتك ؟ ما ردتني

شجر يابس عودي شوفه
شنو سوه وياك گلبي
من صدگ حَبك
تعوفه
صرت مثل الهوى أنت َ
روحي انت َ
گلبي أنت َ
كلشي انت َ
واعدتني بدنيا حلوه
جذبت من واعدتني

يلي روحي تعلگت بيك ونسيت
شگال گلبك
من ردت تنسى ومشيت
شگال گلبك ما أحبك
تدري ميت من تروح
شظل إلي بس الجروح
ليلي أبجي
وصبحي نوح
مسامحك شسوي بيه
بس تعال ورد عليه
وكل ثگيل يشيله متني

ما أعيش
.. أتضن أعيش
بس تعال وشوف حالي
بس تعال
شنهي صرت أنا بغيابك
شوف حالي بأرده حال
ما سأل گلبك سؤال
حرمت كلشي أنا غيرك
مو حلال
وأنت َ عنك حرمتني
أنا جيتك لا تردني

محمد الفهد

يالتعاتب
ما تگلي شنهو معنى الأنتظار
أنت لو أني التعبت من القرار
فارگتني
مرمرتني
وگلبت ليلي نهار
ما تشوف النوم عيني
بس دگلي شنهو صار
ليش تبجي
منهو ردك
بس تعال
وشيل من گلبي المرار



أعذر حروفي
تحياتي

اخي الفاضل محمد الفهد

ما يخرج من القلب اكيد يصل إلى القلب

وما يخرج من اللسان لا يتعدى الأذان

لا حرمنا الله من بوح قريحتك

تحياتي الخالصة

[أحمد الدراجي]

نص غنائي جميل

ارتقت فيه الصورة الشعرية
فأعطت مذاق النكهة الشعرية التي نبحث عنها

لك التقدير اخي الفاضل

وهل تتصور أنه يردك بعد أن أهديته هذا العذب الزلال

تغلغلت مناجاتك القلوب وأولها قلبه الذي ذاب عشقا

جميلة شنفت الآذان هذه الأنغام الرقيقة الرائعة

تحياتي ومودتي

[quote=عواطف عبداللطيف;53508]يالتعاتب
ما تگلي شنهو معنى الأنتظار
أنت لو أني التعبت من القرار
فارگتني
مرمرتني
وگلبت ليلي نهار
ما تشوف النوم عيني
بس دگلي شنهو صار
ليش تبجي
منهو ردك
بس تعال
وشيل من گلبي المرار

/
/
/

يا تعال
تأخرت كلمة .. تعال
وانت كلتيلي زمان أرجع محال
صوريتي الابيض اسود
صورتي البجي موال ابتهال
يا تعال
كلتي ارجوك ابتعد ما ريدك اني
وحرميتي عليه لو حتى السؤال
كلبي سال
ودمعي سال
بس ابد كلبي أعلى حبج ما هو سال
يا تعال
هسه كلتي
من صرت بس رسم انه
مثل صفصافه أصبحت
بس للظلال
ما تشيل الرجل جدمي
يلتكول
انت َ تعال

/
/
استاذتنا / عواطف عبد اللطيف
صفحاتنا هي التي تعتذر لروعة ردودك فيها
فائق التقدير

اقتباس: المشاركة الأصلية كتبت بواسطة شروق العوفير     اخي الفاضل محمد الفهد ما يخرج من القلب اكيد يصل إلى القلب وما يخرج من اللسان لا يتعدى الأذان لا حرمنا الله من بوح قريحتك تحياتي الخالصة

الاخت شروق
شكرا لروعة التواجد
وشكرا للكلمات لانها اعجبتكم
فائق التقدير

تدري ميت من تروح
شظل ألي بس الجروح
ليلي أبجي
صبحي نوح
نص غنائي رائع وجميل .يحتاج الى ملحن بجماله ليصنع منه اغنيةتغنى بصوت جنوبي عذب أمتعتنا بحروفك ... تحياتي وفائق تقديري

استاذي العزيز ..

رغم انني تعرقلتُ قليلاً في فهم اللكنة الا ان نصك جميل جداً ..
وجداًَ هذه لا تحدها ارضٌ ولا سماء .. غنائية وعذبة ..

أبكلك انه حكياتك حلوين
ولوّني بدسأل هالحلا كله منين
الفهد, لا تفكر مرتين ..
أبغنيها لو تسمح ..
لا تردنا خايبين

مم خربشه القلم - او بالاحرى ما خربشته لوحة المفاتيح-

ودّي

اقتباس: المشاركة الأصلية كتبت بواسطة أحمد الدراجي     نص غنائي جميل ارتقت فيه الصورة الشعرية فأعطت مذاق النكهة الشعرية التي نبحث عنها لك التقدير اخي الفاضل

القدير / أحمد الدراجي
شكرا ً لك ولرأيك الذي اعتز به جدا ً
وشكرا ً لروعة التواجد
عيدك مبارك وايامك سعيدة
وكل عام وانت بخير
كل التقدير