عيدك مبارك حبيبي

عيدك مبارك حبيبي

إلى حفيدي(سبطي) الغالي جعفر في يوم ميلاده


\
من بعيد يوكَف
... يسأل أمه .. ماما ..ماما
.. وين أنام ..
واخته زينه هناك تضحك ..
ها مكاني..
أبد ما انطي مكاني..
وآنه اكَلهم ..كافي بسكم انتو نامو ..
والله كافي..
الكم ضلوعي وساده..
نغفه كل احنه سويه..
لا تخافي ..
آنه يمهم
وهذا عمري نذر قربان لعمرهم
ابتسامتهم جميله ..
جنهم طيور الفخاتي..
من وجههم ارتويت
هذا يركض ..
وذاك يختل
هذا يزعل ..
وامهم تباوع عليهم
تحاجي هذا ..
ترضي ذاك
تداري الأكبر ..
حتى ما يزعل الأصغر
والفراش كام يكبر.....
صار بيت!!!
وانه منتظره بقيت
حتى اشبع من عطرهم
واطبع البوسه عله خدهم

انت لو تعرف حبيبي
شنهو صار
لمن كَالولي اجيت
يمكن بنومي جنت .. وستوني صحيت
اشكَد تنيت ..
وأنه أكول
ليش عني تاخرت ..
بس لا نسيت
ومن فرحتي ..
جسمي يرجف
آخ لو تدري حبيبي شكَد بچيت
انته من حضني ابتديت..
تريد اذكرك لو نسيت
ويامه لوليت شكثر حد ما غفيت
وكبرت كدام عيني
واشحلاتك من مشيت
وبعد احلى من حچيت
لما تضحك وانته يمي
انسه كلشي الصار بيه
ينزاح كل هم العليه
يدخل بكَلبي الفرح
يشفه ما يبقه جرح
انته شمعه تضوي ليلي
ما يظل هم بدليلي
انته كَمره وضَّوت ليالي العمر
انته نسمة الدافيه بوكت الفجر
أنته أضوة من الشمس
والحياة بلا ضواها أبد ما تسوة فلس
انته معنى للحياة
وانه ادعي لك حبيبي بكل صلاة

شحچي عنك ..
شرد اكَول
انته بيك احله المعاني
والمحاسن والصفات
ارد اذكرك لمن تتشاقه وي امك ...
شوفي نانا !!
هاي بنتج ضوجتني ..
وتعبتني وما تحبني ..
والله آني ما خطيت
وانه اكَلك تبقى غالي .. ومارضيت
يابعد عمري تدلل
اطلب عيوني فداك
بيوم ميلادك حبيبي ارد اشيلك وارد اطير
فدوه لعيونك اصير
عيدك مبارك حبيبي
كل سنة وانته سعيد
بيك نفرح ..
.نركَض نغني ...ونحسْ ليلتنه عيد
انته دمي اليمشي بيه
احس يمشي ويَّ الوريد
آنه أتمنى اشوفك
ناجح وبيدك شهاده ....
بكل عزيمة وكل ارادة..
و بحَفِلتَك حتى هلهل من أسير!!!
مثل روحك أبد والله
مالگيت
مثل روحك أبد والله
مالگيت
\
عواطف عبداللطيف

ماأعذبك !!

هي عذّوبة الأحفاد...
كل عام وهو بخير..
كل عام وكل العائلة الكريمة بخير
حفظك وحفظهم الله

اقتباس: المشاركة الأصلية كتبت بواسطة كوكب البدري     ماأعذبك !!

شكراً بنتي الغالية كوكب

اقتباس: المشاركة الأصلية كتبت بواسطة قصي المحمود     هي عذّوبة الأحفاد... كل عام وهو بخير.. كل عام وكل العائلة الكريمة بخير حفظك وحفظهم الله

نعم استاذ قصي عذوبة الأحفاد
أشكرك واتمنى لك التوفيق
تحياتي

الماما عواطف

حفظ الله الحفيد

ودام البوح العذب

وتحباتي ايتها المبدعة

اقتباس: المشاركة الأصلية كتبت بواسطة عبدالناصرطاووس     الماما عواطف حفظ الله الحفيد ودام البوح العذب وتحباتي ايتها المبدعة

شكراً ابني الغالي عبدالناصرطاووس
وفقك الله
وحماك
تحياتي

ربي يطول عمرك وتشوفين أولاده ... وتغنيلهم

اقتباس: المشاركة الأصلية كتبت بواسطة شاكر السلمان     ربي يطول عمرك وتشوفين أولاده ... وتغنيلهم

شكراً عمدتنا الغالي
ربنا يخليك ويحفظلك أولادك وأحفادك
تحياتي وتقديري

تحية الاسلام والعروبة
ابرق اليك تحية خاصة من مسرى رسول الله سيدنا محمد صلى الله عليه وسلم
ومن مهد السيد المسيح عليه وعلى امه افضل الصلاة والسلام
ان كل مفردات ثقافتي والمعاجم قاطبة لا تفيك حقك من الشكر والاحترام والاكبار
لك مني عاطر التحية
واطيب المنى
ودي قبل ردي
باحترام المناضل الجريح
د. لطفي الياسيني